بين محطات الماضي

البارت الاول

#بين محطات الماضي
#للكاتبة_ضوء_القمر
Zahraa Hussain

لاحسبالك بكل ديرة ألك شراي
تره تراب الوطن بس بالوطن غالي

.....
.. الحياة محطات وقطار العمر يمشي كل محطة يوگف بيها النه بيها تجارب وعبر والعمر يمشي وكل يوم يخلص يولد يوم جديد عنه خلوني احجيلكم عن حياتي الي عشتها والمواقف الي مريت بيها والحياة مثل مگلت تجارب. كاعدة بالبلكونه واتذكرت ايام شبابي وايام الجامعه. قبل ثلاثين سنه واعرفكم عن نفسي

سوزان : اعرفكم عن نفسي اني سوزان عمري 58
من الفئة الصابئة خريجة لغة انكليزي من سكنة البصرة عائلتي متكونه من والدي وامي واخواني اياد وهشام وسام واختي ماري واني
والدي ماعنده غير اخ واحد عمو ابو كيان الي متزوج خالة ماما عمو متزوج قبل بابا رغم هو الصغير عنده كيان
بابا اكبر من ماما ب١٥ سنه طبعا تربينه احنه وولد عمو ابو كيان سوه بنفس البيت. اهلي مهنتهم صياغ وحالتنه كلش زينه. كل احنه عايشين بالبصرة وبنفس البيت بس بعد وفاة بيبي اطرو يعزلون كل واحد وحد لان كيان راد يتزوج والمكان بهيج حالة مراح يكفي طبعا علاقتنه ويه بيت عمو كلش قوية وناس تحب ناس ماعدنه سالفة تكبر او مااحب بيت عمي.
. اني شاطرة كلش وكملت سادس وجنت احلم احجي انكليزي لان جنت قوية بي وكدرت ادخل جامعه لغات طبعا اني الوحيدة الي كملت دراسة ودخلت جامعه لان اهلي عدهم الشهادة متفيد وخاصه الولد شغلتهم الصياغة اما اختي لا كملت معهد مدرسات
. أطريت اترك سنتين من عمري بسبب الحرب العراقيه الايرانيه والوضع بالبصرة مكان آمن نهايئا وخاصه القصف كان دائما عليها جنه نضطر نروح على ذي قار.

. التحقت بالجامعه واكيد حياة الجامعه تختلف عن حياة المدرسة هنا راح يكون توسع اكثر وهاي الحياة الجديدة اما نستغلها صح او غلط من خلال الدراسة تعرفت على بنات اثنين صرنه احنه الثلاثه دوم سوه گعدتنه اكلنه وسوالفنه سوه مانختلط ويه الشباب وهمه يعرفون انو احنه منحب نحجي ويه احد
وهم ابد ما عدنه علاقه بالشباب من يجون يكعدون يمنه احنه نكوم بس نكوم بطريقه حلو بحيث خلينه كل الاصدقاء يحترمون عزلتنه لان نريد ناخذ راحتنه بالكلام بس عادي سلام او اذا سؤال وابد ما نبيع اسرارنا احنه الثلاثه ويوم يجر يوم الى ان صار شهر احنه بالجامعه اني كلش اشتاقيت لاهلي عاد حجيت للبنات
. نهى وسلوى بنات انتو ما اشتاقيتو لاهلكم ما تردون ترحون لهم اني نهاية الاسبوع اسافر بس ما اعرف شلون اروح على الكراج بوحدي انتم ما ترحون
سلوى : يو احنه على اساس هذا الاسبوع نروح بس صار امتحانات وما كدرنه نروح بس هذا الاسبوع ان شاء الله نسافر
سوزان : اي همزين نسافر كلنه سلوى ولج احنه نروح مع ولد يوصلون لاهلنه فدوه سلوى اذا اكو مكان يمكم بلكي ياخذني وياكم ومن الناصرين اصعد لبصره او اذا ما لحكت ابات بيت خالي وثاني يوم اروح لبصره
نهى : يا ليش ولج سلوى انتي مو كلتي زياد بصراوي ما كلتي له بلكي عند مجال ياخذه ويانه
سلوى: اي والله اشلون نسيت تقبلين سوزان تكملين الطريق لوحدج وياه
سوزان : ليش لا اذا الولد خوش ولد اكمل ليش لا قابل ياكل بشر
سلوى:من ناحية الولد الولد ابن اوادم وتعبان على نفسه
سوزان : فدوه سلوى امشي نشوفه شنو يكول
سلوى : ابقى انتي واني ونهى نروح نحجي
سوزان. راحو البنات ورجعو وره اشويه
سلوى : وافق ترحين ويانه وكال بنت ولايتي اصعدها وانتو تنزلون
سوزان ضحكت.
نهى : يعني الركوب يشلع النخله
سلوى : اي الولد ما حجى الا الصح شبيج غير بنت ولايته لعد اني
سوزان. فديت سلوى وبستها تشكراً منها : حياتي والله لو ما انتو شيصبريني على فرك اهلي الله يخليكم الي حبايبي كلبي.