#بين محطات الماضي
#للكاتبة_ضوء_القمر
Zahraa Hussain
عطش نخلة بوسط هيمة
عطشت الهم
اموت ومااكللهم
....
سوزان.مر اسبوع واجوي طلبو سمر رسمي وكالو احنه ماعدنه شي كلشي جاهز بس الغرفه مال النوم وحاجات العروس احمد كال عليه هالسوالف
وصدك هم جهزنه سمر من بغداد مثل سحر رحت لبغداد مثل ما اخذت سحر اخذنه لسمر واكثر رحنه وجاهزت سمر و رحنه لمركز تجميل
سمر : سوزان اريد مثلج كون اضوي
سوزان :حبيبتي والله انتي حلوه وتضوين لا تستهانين بنفسج
رحنه للمركز وبدو بسمر طلعوها احلى واحلى وكملنه كلشي يخص العرس بعد ماكملنه رجعنه للبصره ومضت الايام لحد مااجه يوم العرس الحنه جانت كلش حلوة وسمر هي حلوة والبدلة حلوة عليها اما الزفه اني مرحت رجعت للبيت ويه زياد بس امه ورجعت بليل وثاني يوم اخذنه ريوك وام زياد راحت هم ويانه ودينه الريوك وحجيت مع سمر وكلت
..سمر اي شي امج تكول سويه فلان شي لا تسويه وانتي شاطره اشتغلي شغل البيت وعمتج مبين تريد راحت ابنها
سمر :والله اعرف لاتوصين حريص
سوزان :اي عفيه خليج معدلة وانتي شاطره اكسبي كلبكم كلهم وهمه اكيد ناس زينين
سمر :ان شاءالله
سوزان.سلمت عليها وطلعنه واجه يوم السبعه وزياد سوه عزيمه اشكبرها ومن اجتي سمر لبيت زياد لبسها تخم ذهب
زياد :سمر اريدج ترفعين راسي كدامهم ادرس بيج انتي مرة معدلة صيري محبوبة عند الكل واعرفج انتي كدها
سمر :ان شاءالله دوم ارفع راسك
سوزان.خطية سمر بعد الزواج خلصت من امها وسيطرتها وحتى زياد فرحان الها اهواي ويوسف خوش ولد وان شاء الله تنسعد وياه
بعد زواج سمر حتى عبير انخطبت واني اكثر شي انشغلت بي الحمل لحد هسه ماكو شي واروح على الدكتوره تكول ماكو شي وهالمره انطتني منشط لمدة ثلاث اشهر لازم اخذ.
طبعا هسه احنه على مشارف سنه ١٩٩١ والدنيا هوسه وصارت الانتفاضه الشعبانيه والناس كلها خايفه بذلك الوكت جان الكتل كلش اهواي والخوف ماليه كلوبنه بحيث زياد اذا طلع يوصي الجوارين عليه الكل
الحمدلله همه خوش ناس طيبه
وبيوم زياد اجني ضايج
سوزان :زياد اشبيك ضايج شكو
زياد..اااخ
هالعار .جنت بالبستان واتصلو عليه رحت للبيت لكيت عمامي هناك
..خير ان شاءالله خما اكو شي
ابو حسين :تعال زياد اكو سالفة صايرة نريد نعرف صح لو لا
زياد :سالفة خير ان شاءالله شنو هي
ابو حسين :بنت خالتك تكول زياد دخل بفترة الخطوبة
زياد.اني سمعت السالفة لو صفنت عليهم كلهم بحيث اريد واحد بيهم يكول جذب هالشي :شنو عمي كلت
ابو اكرم :مثل ماسمعت صح هالحجي
زياد :شتعرفون ابن اخوكم يسويها
ابو حسين :لا حشى تطلع العيبه منه بس
زياد :بس شنو عمي انت بلسانك كلتها ماتطلع مني العيبة اشلوون اسوي هيج واني عندي اخوات عوفك من سالفه اني مااريدها بس مو معناها اكسر بيها
ابو اكرم :زين ليش تبتلي عليك شنو غايتها
زياد :انتو صدك تحجون عمي لا تخبلوني هو اني شفت خير من خوالي حتى اشوف خير منها
أنت تقرأ
بين محطات الماضي
Adventureبطبيعه الانسان يرتكب الكثير من الاخطاء منها مايكون في صالح الانسان ويتعلم منها ومنها مايكون سببا في دماره وهناك اخطاء تكون الخطوة الاولى لسعادته التي لم يخطط لها
