#بين محطات الماضي
#للكاتبة_ضوء_القمر
Zahraa Hussain
مثل شبچة وتلم دخان ،
الملم بالهوه لصدري !!
واصيح اعله النفس نخوة ،
وتفز كل السيوف تساوم بنحري !
شرخص دمي
شرخص ذيج الوجوه المابقت يمي
مامش غيري يفهمني؟
.......
سوزان.دخلت العمليات واني ميته خوف كانت الساعه ١٠ الصبح سلمت روحي الهم واني كلي امل بهالاطفال ماصحيت الا ساعة وحدة الظهر باوعت اني بغرفة ومن شافوني صحيت جابولي الاطفال من شفتهم كمت ابجي ممصدكه صار عندي أطفال وسند وينك زياد ريتك وياي اباوع عليهم اشكد حلوين والحمدلله صحتهم تمام اني شفتهم اول من اجى كدام عيني ابوهم ترا اني مانسيت يوميه اذكر زياد ابداً ما راح من عقلي بجيت كلش وانقهرت على روحي الي خسرت وماربحت بغير ذولة
من شافوني ابجي يردون يسكتون بيه ماكو الى ان رادو ياخذون الاطفال
..لا عفيه لا تاخذهم بعد ما ابجي
عاد اخذتهم وخليتهم بحضني وعيوني عليهم اشكد فرحانه بيهم
... لا ترضعيهم اليوم لما تفوت اربعه وعشرين ساعه يله ترضعيهم
سوزان.حطتهم يمي وبس انظر عليهم ولازمه اديهم
..راح ناخذهم حتى انتي تراتحين وهم همه يرتاحون
سوزان.اخذهم مني ورجعت نمت هاي لو اني بالعراق جان اربعه وعشرين ساعه هوسه هنا كاعدة بفندق خمس نجوم من النظافه وخدمه المريض بتاريخ ١٩٩١/١١/٢٧ اجوي رامي ورام فرحه حياتي
بعد مرور شهرين اخذوني لشقه مالتي عباره عن غرفتين غرفه للاطفال وغرفه الي وهول ومطبخ وصحيات خلال الايام تعلمت مراعات الاطفال صح وقتي فول بس اني جدا فرحانه بوجودهم بحياتي يعني من سميتهم فرحت حياتي والله هم اكثر وفاتت الايام والاشهر ماكو جديد بس الحياة جديده والجو جديد الشتاء بارد والثلوج والصيف الجو حلو والطبيعه
الحياة حياة تختلف جذرين عن العراق
ونحن الان في شهر الواحد ١٩٩٣ صار عمر الاطفال سنه وشهرين اجاني موعد دائرة الهجره اخذت الاطفال وياي ورحت على الموعد اخذو الاطفال مني ودخلت على المقابله جان تكول
.. احنه محتاجين مترجم يكون عدنه داخل الدائره واحنه رشحناج لهاي الوضيفه هم اطلعين من جو البيت وتطورين حياتج القديمه وتشوفين عالم ثاني يختلف عن عالمكم بالعراق
سوزان.بصراحة فرحت هالشي اني محتاجته لازم اشتغل علمود الاطفال :زين اقبل والاطفال اشلون
.. اكو حضانه وتستقبلهم هسه من تخلصين مقابله راح تشوفين حضانه الاطفال اذا تقبلين حتى توقعين على الشغل على الاحد عندج مقابله ساعه عشره سواء رفضتي او قبلتي
سوزان :ماشي
..طلعت منهم واخذت الاطفال ومريت على حضانة الاطفال همه شافو الاطفال اشلون عايشين بالحضانه ارتاحيت من هالناحية واكدر اعتمد عليهم .
رجعت للبيت كعدت لوحدي اني لازم اعتمد على نفسي واحسن من حياتنه اشتغل احسن والله صار يوم الحد ورحت عليهم وقعت عقد الشغل واشتغلت وماكو شي جديد سوى اني عرفت القوانين وبديت اشتغل وصار كلشي زين يعني ما عندي وقت فراغ صارت حياتي عباره عن شغل وبيت واطفال رامي ورام دخلتهم تعلم الغه العربيه وحصلو على دروس اضافيه باللغه العربيه خارج البيت نحجي الغه الانكليزيه وداخل البيت كله عربي وماكو شي جديد كم مره ردت ارجع على العراق بس بعدين اتراجع اخاف اكثر واتراجع وبحكم عملي بالهجره وعن طريق المنظمات مثل الصليب وانطيهم العنون مايكدرون يوصلون الى زياد لان هم حقهم يمكن محد يصدقني اني زياد ما اكدر انساه والا عايش ويانه حتى الاطفال اذا يسون شي غلط مايسون بابا ما يقبل ويزعل علينه
أنت تقرأ
بين محطات الماضي
Adventureبطبيعه الانسان يرتكب الكثير من الاخطاء منها مايكون في صالح الانسان ويتعلم منها ومنها مايكون سببا في دماره وهناك اخطاء تكون الخطوة الاولى لسعادته التي لم يخطط لها
