بين محطات الماضي

البارت الرابع

#بين محطات الماضي
#للكاتبة_ضوء_القمر
Zahraa Hussain

الحزن
من تثكل اهدومك وماتلكه اليشبهونك
من تشتاك ودور حلم تفصال لعيونك
........

سوزان.هنا ماما ماحجت شي بس نزل اياد وانصدمنه بكلام

اياد :انيي اكلج بيبي مااري وسوزان ضربن اقببال وانييي مااقبل

سوزان.همزين بيبي موجودة والله يستر شراح تحجي عليهم ..

البيبي : ولك اياد صرت اخو مرتك يا دون يا ناقص تتبتلي على اخواتك وانت  ساندت زوجتك وانتي يا غمه  طبكتي ويه  ابنج وجنتج

سوزان.بيبي جانت تحجي بحركه ومقهوره علينه عاد اني نزالت : بيبي عوفج منهم
جان  تتلاكني
البيبي : وج بيبي هاي اشلون عايشين اشلون ما تحجولي

سوزان.كعدنه يمها : شفتي بيبي شصار بينه بدونج 
البيبي :سودة عليه ادري بيجن تعبانات بدوني يس ان شاء الله ميدوم وامجن اااخ منها اشوكت تتعلم

سوزان.اجتي مرت عمي هم تصير خالة امها لاقبال وبيبي صاحت اقبال
البيبي : تعالي يامرت الجبير ولج  بيبي عيب هالحجي اشو ماري بعد كم شهر ومزوجه وسوزان  هم نفس الشي وهي هم ما موجوده بالبيت بس ايام العطله شهرين وترجع و شهر ومرات  تجي يوم وترجع احنه

اياد : انتي شنو تحجين ترى لا عبالج يشتغلن بالبيت هذني عدهن طلعه طبه لو ما اقبال جان الخيسه مال البيت فايحه

البيبي :يااا هذني اخواتك المعدلات انت تجي وتحجي عليهن بس يا بيبي العتب مو عليك العتب على ابوك وهاي الواكفه.

سوزان.عاد هنا بيبي  بيبي كامت على امي سوت بيها عمايل
البيبي: يعني انتي كل عقلج وتأشير على اقبال هاي تشيل كبرتج

سوزان.كلام بيبي فشل امي بس كل هذا امي نفس ماهي متغير شي بيها وجنت اهواي اضوج من اشوف امي هيج تهتم باخواني واحنه لا لا والمشكلة مايهمها يصير بينه شي لان كل همها انو تشوف الولد مرتاحين ..بعد هالكلام من بيبي
.. لا اني ولا ماري حجينه اني لحد هسه قليلة الكلام يعني فقيره ما اخذ ولا انطي  بالكلام  ودائما ً ماكول حقي بس ربي يعرفني

(لان عشت عند عيال وانطاني زوج يعرفني وقدرني واهلي بعدين عرفو قيمتي...)

(هذا اياد الي لزم ظهر زوجته بيوم لزم ظهري وكلهم اخواتي اشرف منكم )..(مرات اصفن اهواي بالايام الي عشتها اشكد ماكانت صعبة هسه صارت مجرد ذكريات تمر مرور الكرام بس بعدها الها اثر ..خلونه نكمل حجي ).

سوزان. اخذني سام وصلني للكراج  وهالمره صعدني وراح اني نزلت ورحت لزياد  صعدت وياه

زياد : الزوجه اذا ما متربيه ببيت اهلها المفروض الرجال يربيها بس هاي من الطرفين محد مربيها وراح تظل هيج