بين محطات الماضي

البارت الخامس

#بين محطات الماضي
#للكاتبة_ضوء_القمر

Zahraa Hussain

جرح يلتم  جرح يدي 
جرح ما طاوع الشدي

وجرح  صبت جروح الغير بيه اوفاض عن حدي
وتلاشت شواطي الروح بين الناس والعندي

.........
سوزان .بدينه السنه الدراسيه جديدة بعد عطلة بالنسبه الي جانت الاخير ومصطفى الثانيه
صرت اروح لاهلي كل شهرين بنص الاول وعطلت نصف السنه
اما اني وزياد بعد ما اكد استغني عنه ابداً كل ما يجي نطلع نسوك احتياجات البيت

.. زياد المن جاي  تأثث
زياد :كله للبيت الجديد
سوزان :لبيتك
زياد :ليش متكولين بيتنه
سوزان :لان مااعرف شنو ممكن يصير احتمال تصير مشاكل
زياد :وليش تفكرين هيج ليش متكولين الله يسهل
سوزان :زياد ترا اني جاي افكر بكل الاحتمال وهم لا تنسى أني خطيت خطوة صعبة وميصير بدينه
زياد :هم رجعنه لنفس الموضوع كتلج انتي الي وحتى لو صار مراح اعوج
سوزان.مجنت مقتنعه وماادري شنو ممكن يصير ..الله كريم

جنت كلشي اشتري يوم فرشه يوم دشداشه يوم كذا اني جهزت نفسي واني مو على بالي شي شنو ونهاية هذا الحب هم ما اعرف ولا على بالي شي صح جنت افكر بس من امو وياه  ناسيه الدنيا ومابيه عايشه حياة وردية اني بذلك الوكت ينطبق عليه المثل الي يكول طامسه بنص العسل

..اجتي نص السنه ورحت لاهلي  وماكو جديد بس الفرق انو  لازم اطبق بمدرسه وطبقت بمدرسه  اشويه بعيده واكيد زيادد ياخذني وجيبني بس اكيد مو من يم بيتنه بعيد عن بيت اهلي والرجعه هم بنفس المكان اللي اصعد منه انزال بيه

..زياد تدري خايفه
زياد :افاا اني موجود وتخافين اكو شي صاير
سوزان :لا ماكو شي بس اخاف لا احد يشوفنه وهناك تصير مصيبه
زياد :منو يشوفنه ترا جاي انزلج بمكان بعيد بعد اشلون
سوزان :حظي واعرفه ميدوملي شي المهم عفيه إياك تعوفني
زياد :ولج انتي مخبله اعوف الدنيه ومااعوفج ولج انتي الحياة الي
سوزان :والله اني هم ..

..بعد ماخلصت تطبيق وخلصت العطلة رجعت للجامعه وصارت فترة امتحانات وهوسه وبحوث بس خلصت بسرعة مااعرف احتمال لان نهاية سنه واجه يوم التخرج
وحضر الحفلة  زياد شي اكيد يجي واجاني هشام واياد

وقبل يوم التخرج رحنه لصالون اني وسلوى ونهى وثاني يوم التخرج جنت طالعة حلوة
اللحظات الحلوة تخلص بسرعة اشكد جان يوم حلو ومميز خلص  ورجعنه للبيت

وبعد مرور اسبوع بابا سوه وعزم ناس عليها من ضمن المعزيم ابو حسين ومرته وابنه وزياد واخته وصدف بيوم العزيمه اجونه بيت عمو ابو نضال مااعرفت شنو سبب جيتهم بس اتوقع وراها شي
..بعد العزيمه كلها راحت بس ماري بقت وياي وما خلصنه من هوسه الغده رجعنه لهوسة العشه لان بقو يمنه وثاني يوم بيت عمو ابو كيان عزمونه كلنه
على الغدة وانفتح موضوع .احنه جاين على سوزان نريدها لنضال
اني هنا استوعبت حالي واني هذا الشي لي ما كان على بالي ولا حجم الكارثه لي حكون بيه عاصفه هوجاء ان دخل اعصار يا هل ترى اشكد الخسائر ومن هو الخاسر الجبير ومن هو الرابح الجبير ..اهواي ضجت وادري راح تبدين عليه المشاكل بس اشلون راح اتصرف لازم اصير شاطرة لا اروح بالرجلين