بين محطات الماضي

البارت السابع

#بين محطات الماضي
#للكاتبة_ضوء_القمر

Zahraa Hussain

حَنين وحدري لو حطوا مخَدة ريش
اسمع چم جِنح جواي يتكسر .
......
سوزان.عمتي مافارقت عيوني رغم فرحتي بس ناقصنه كلش محد يحس بالي بداخلي احاول ابين اني قوية بس من جوة مكسورة خاطر
انتبهت من شفت ام حسين منتبه على دمعتي  كالت

ام حسين : اني اروح واشوف اهلج بنفسيً

سوزان.هنا ابتسمت بحزن واني منتظرة خبر عنهم رغم الخوف الي بداخلي بس منتظرة خبر
اما  زياد امه مطيره برج من رأسه بس رغم كل هاي المعوقات عشنه اني زياد احلى ايام
خلي احجيلكم اشويه عن زياد وعمامه طبعاً همه مسوين صندوق وهذا الصندوق موجود عند ابو زياد ومن توفى ابو زياد صار
عند ابو حسن نظام هذا الصندوق كل عائله تدفع كذا مبلغ عن كل فرد من العائله مثل كان زياد يدفع عن ثلاث انفارات  هسه يدفع مال اربعه لان اني نفر جديد دخل العائله ومثلا اذا المبلغ ١٠٠٠ عن كل شخص يعني كل العوائل تدفع نفس المبلغ هذا المبلغ من تصير مناسبه ومحتاجه ينطو هذا المبلغ او كديش هو محتاج ينطو يعني هيج شي ولي ياخذا المبلغ يكعد يسدد المبلغ اشويه اشويه
.من زوجت وراه اسبوع العرس كل جمعه احنه ننعزم ببيت لان ما اعرفهم طبعاً اخواته انطني الصباحه مالتي بس عمه ابو اكرم ماانطوني وعمته ام سرمد هم ما انطت عزمونه بيت ابو اكرم وهم انطوني ذهب ويا محلى استقبالهم طبعا امه اكيد  ماتقبل تجي ويانه تجي سمر ويانه واني  استخطي سمر طبعا امه ما تقبل بس زياد اقوى منها فيجيب اخته وياه حتى من نروح لبغداد ناخذها وتبقى  امه تحجي تكول كلكم سحرتكم

..والله ياريت اكدر اسحركم جان سحرتج مو كارهتني بس مو مهم عندي المهم زياد ممقصر وياي وهذا كلش كافي

وتمشي الايام وصار على زوجي ثلاث اشهر اني وزياد حبنه يزيد ما ينقص وماكو منغصات بحياتنه بس اني حنيني لاهلي يزيد بس هم ما ابين مااريد اخسر زياد وهم هاي حياتي بعد .. طبعا اني بعدما الكل عزمنه بديت احضر للعزيمه ومحد يساعدني اريد اني اسويها بيدي وفعلا سويت الكبه واضم دجاج من المدجان نظفته وحشيته وضميت حتى البط سويته ومن حددنه يوم العزيمه اجتي عبير وسمر ساعدوني با الدولمه ومن شافوني بحدي ماراحو الى ان جاهزنه كلشي يعني بس من ناخذ لبيت اهل زياد بس نحمي الاكل عمتي حتى اخوانها واخواتها عزمتهم وهذوله ما يصدكون بس زياد يعرف مقالب امه

زياد :سوزان  سوي زياده مال عشرين نفر والي يجي من  اهلها اربعين او اكثر

سوزان :عادي حبيبي ازيد وهلا بيهم
..عاد كمت نظفت الدجاج والبنات جهزو اغراض المقلوبه احنه با ١٢ المقلوبه على النار با ٢ خلينه الغدا والزلم بوحد والنسوان بوحد  اكلو الجماعه ومن رادو يطلعون صحاني زياد .طبعااني من اروح لبيوت عمامه او اهله البس طويل واشمر على راسي شال .دخلت قويت نفسي ووحجيت