#بين_محطات_الماضي
#للكاتبة_ضوء_القمر
Zahraa Hussain
ندري ما يرد من ينكسر كاس
ليش اليموت تعاتبه الناس !؟؟
......
قبل ٣٠سنه في العراق البصرة
.. هذا مو حجي تحجي وياي لو اني لو هي
.. اشبيج مو تعرفين السالفة شنو وتعرفيني
.. زياد لا تكلي هالحجي مستحيل اقبل بوحدة تشاركني بيك مو عاد بنت خالتك المصون
.. واني هيج بدون غيرة واجيب وحدة فوگ راسج ولج انتي روحي تعرفين شنو كبري عقلج وخلي اشوف اشلون اتصرف
.. هو يحجي وكأن الموضوع عادي اي شهامه الي ايده بالمي مو مثل الي ايده بالنار وهاي سوالف عمتي اي ماكو غيرها منو يكرهني غيرها اااخ من حظي
. وره مدة جنت كاعدة بالبيت ومااحس الا الباب انهجم عليه والصياح والعياط وصوت عمتي فضحنه بين الجيران
.... يللله ام السحوره اطللعي من بيت ابني ولج زين ومني متحملتج كل هالمدة اطللعي
.. ليش واكفه امشي ساقطه اطلعي
.. عمتي واختها ماخلن كلمة تعتب عليهن بحيث اريد استوعب الموقف والصياح والعياط ماخلنه براسي عقل حجي مااكدر احجي انوب اريد شي استر بي نفسي جنت بطرگ الدشداشة لا حجاب لا عباية همزين عمتي ام ياسر طلعتني بدون ميكتلني
..واكفه وكلبي جمر عقلي مجاي يستوعب الي صار شردوني بطرگ ثوبي لا حجاب لا عباية استر روحي اشكد انقهرت على روحي. دكيت الباب على جيراني وطلبت منها عباية استر روحي حالتي تبجي العدو
زياااد اشلون يقبل بهالشي وين اروح لا اهل عندي لا عمام المن انطي وجهي. ماادري شراح يصير بيه وين راح تشمرني الدنيه بعد..
......
وووولج ساااقطه انيي تلعببين عليه انيي تسووين هيج بيه ولج انتي شنووو انتووو شنو من بشر امششي اليوم مااخلي بيج عظم صاحي.
. دخلت بيتي واصيح بأسمها وكلي امل تغير قرارها بس مال تسوي هيج لا كلش صدمتني
عمري متوقعت تسوي هيج بيه وتعوف البيت ولللج لييش اشللون انطااج گلبج تسوين هيج بيه وووين رحتيي هو انتي منو الج غيري..
...
قصة حقيقة بكامل احداثها تابعوها تنزل بعد قصة نبض
أنت تقرأ
بين محطات الماضي
Adventureبطبيعه الانسان يرتكب الكثير من الاخطاء منها مايكون في صالح الانسان ويتعلم منها ومنها مايكون سببا في دماره وهناك اخطاء تكون الخطوة الاولى لسعادته التي لم يخطط لها
