الكاتبه (شيخه ال تميم)
.
حايط مدرسه العبروني مو شطار
عريان الـسيد خلف
رانيا: جنه عالم ثاني عالم متروس خيبه ماكو اي امل وجنه كلشي يكول هذا مصيرج يا رانيا قبلي بيه
جان العقد بي بس الجيران و عمتي نجلاء جايه وحدها وحتى مرت رضا ما جايه جنت لابسه بدله عاديه و حجاب وكاعده بالمطبخ يم خالتي هديه وانه طالعه روحي
ساجده: هاج احجي ويه عمتج خبصتنه
ساهرة: ولج روينه عمت عيني كون شلوونج
_على الله عمه ...تنهدت
_ولج ليش ما خابرتي عليه قبل العقد جان اجيت اخذتج
_عمه وين تاخذيني كافي عليج لحمل لفوك ضهركم ليش حتى رجلج يتحملنه بعد
_سكتت شوي: عمه ليش هيج تحجين احطج بعيوني معليج بشنو سمعتي شنوو ذنبج بهذا الزواج
_هاي قسمتي عمه شسوي بعد ضليمتي من ناس نفس دمي ولحمي
_والله يا عمه لو اكدر اجيلج كل فتره بس شسوي بالمناسبات بالكوة يلا اجي هم الله بلاني برجال ...اخ بس
خلصت مكالمتي ويه عمتي وهيه تصبر بيه و نطيت التلفون لعمتي ساجده
_ساجده:اخخخ منج ومن سوالفج كعدت يمها ساعه فريتي راسها وهسه خابرت لعمج تهد شنو تزوجونها لفهد هووو انتي وين تحصللين واحد مثل فهد
غمتني وطلعت
اجه لشيخ و كلهن تجمعن وظلن نص تسولف ونص نضحك ونص تحش بالناس لحد ما اجه وقت العقد كعدت على كرسي يم الباب و القران بيدي و انه دموعي ما وكفت
ضل يحجي الشيخ بس انه ما فهمت ولا اذكر اي كلمه من لحجاهن جانت روحي بمكان ثاني
قطع تفكيري الشيخ وهو يعيد سؤاله : كولي قبلت وانت وكيلي
_...... ! قبلت وانت وكيلي...!!
:ما جان احساس ..
جنه جادر ثالث يوم فاتحه
فضت ناسه ونهدم ...!
طلعت شفت زينب واكفه على الدرج وعيونها حمر
من شافتني عرفت العقد تم عيونها ضلت تجري وياي من بعيد بدون اي حرف زينب رفضت تروح لاي مكان وجنها تريد تتوب كلبها من عزيز روحها ...
عمر: حااس بيك والله بس شنو بيدك تسووي مهدي اهلي نااس....... استغفرالله ياا ربي
_ولك جااي مووت تفهممم شنووو جاي امووت سنين وانه انتظر تصير الي اخر شي يجي هذا الساقط ياخذها هيج
من هي عمرها سبع سنين جانت بعدها كلش زغيره اخذها للمدرسه وارجعها عمي مأمني عليها شنو تريد يجرالها ماكو يوم فكرت ائذيها خليتها تكبر كدام عيني وانه اقنع بروحي من تكبر اخليها حلالي .... ااااخ
أنت تقرأ
ارواح عاريه من الرحمه
ChickLitانا فتاه فقدت كل ما املك ولم يبقى لي في هذا الحياه سوة الجحيم والشعور بالاستياء مُستمر لا يَنفع معي اي شيء لا حديث مع احدهم ولا حتى كتابة ثم البكاء و نحيب الروح هي ما أشعر به قبل النوم و اثناء الاستيقاظ كَجرعات الدواء انها مستمره للأبد يالها من...
