ဦးကို မုန်းခွင့်ရချင်တယ်.../ဦးကို မုန္းခြင့္ရခ်င္တယ္...[Completed]

Part(18)

          အပိုင်း(၁၈)

"ဖြန်း "

"အသုံးမကျတဲ့ သမီး "

ဦးကောင်းသက် အိမ်ပြန်ရောက်ရောက်ချင်း ရာသက်ပန်ရဲ့ပါးကို စိတ်တိုစွာရိုက်သည်။ ယောကျာ်းတစ်ယောက်ရဲ့အားပါပါရိုက်ချက်ကြောင့် ရာသက်ပန်မျက်နှာ လည်ထွက်သွားသည်။ အသားဖြူသူမို့ လက်ရာက ပါးမှာအထင်းသားပေါ်လာသည်။

"အာ့ "

"စည်းကို ပိုင်ဆိုင်ဖို့ကြိုးစားခိုင်းတာကို တခြားသူနဲ့ရအောင် ကူညီပေးတယ် အသုံးမကျလိုက်တဲ့သမီး"

"အဖေ "

သူမမွေးလာကတည်းက ဒေါသကြီးပြီးစိတ်တိုတဲ့ အဖေ့ရဲ့ပုံစံကို တစ်ခါမှမမြင်ဖူးပါ။ အခုပထမဆုံးမြင်ရခြင်းကြောင့် သက်အရမ်းကိုအံ့ဩသွားရပြီး မယုံကြည်နိုင်ခြင်းများနဲ့။

"စည်း ဟန်းနီးမွန်းက ပြန်လာရင် စည်းကို သူငယ်ချင်းလက်ထဲက ရအောင်ပြန်ယူ "

"အဖေ ဒါကတော့ "

"မင်းက ငါ့သမီးပဲ ငါ့သမီးက ငါ့ကိုဆန့်ကျင်လို့မရဘူး ပြောရင်ပြောတဲ့အတိုင်းဖြစ်အောင်လုပ် Blackဆိုတဲ့နောက်လိုက်ခွေးကို စိတ်ထဲကထုတ်လိုက် ရာသက်ပန်"

"အဖေ ဘာဖြစ်နေတာလဲ ဘာလို့အခုလိုပုံစံဖြစ်သွားရတာလဲ ဘာလို့ အဖေနဲ့မတူအောင် ပြောင်းလဲသွားတာလဲ"

"ထပ်အတွန့်မတက်နဲ့ သက် ငါက မင်းအဖေ အဲ့တာကြောင့် ငါ့စကားနားထောင်ရမယ်"

"နားမထောင်နိုင်ဘူး အဖေ သက်မလုပ်နိုင်ဘူး"

"ကောင်းပြီလေ မင်းမလုပ်ရင် ဆွဒ်ဇလန်မှာရှိတဲ့ မင်းအမေရဲ့ကျန်းမာ‌ရေးစရိတ်ကို ထောက်ပံ့တာရပ်လိုက်မယ်"

"အဖေ "

သက် အံ့ဩလွန်း၍ မျက်ရည်တွေပင်ဝိုင်းလာရပြီး တစ်ကယ်ကိုမယုံကြည်နိုင်စွာ အဖေ့ကိုကြည့်မိသည်။ ဦးကောင်းသက်ရဲ့မျက်ဝန်းတွေကတော့ ခက်ထန်နေလျက်..

"သေချာစဉ်းစား သက် လုပ်ချင်တာထက် လုပ်သင့်တာကို ဦးစားပေးရမယ် စည်းကို အဖေ့သမက်အဖြစ်မတော်ရရင် ဖျက်စီးပစ်မယ် ဒီအချိန်က အကောင်းဆုံးအချိန်ပဲ"