- تعرف إنك ممكن تشوف الملائكة قدامك ظاهرين؟
= إيه ده الحاجات دي مفيهاش هزار.
- مش بهزر والله أنت فعلاً ممكن تشوف الملائكة.
= إزاااااااي ياعم أنت؟
- أنا مش بخرف ولا بقولك كلام ضعيف ده حديث صحيح أخرجه البخاري ورواه البراء.
= صدقتك ياسيدي بس قولي إزاي أشوف الملائكة؟
في يوم الصحابي الجليل ثابت بن قيص كان قاعد في بيته بيقرأ سورة الكهف " الْحَمْدُ لِلَّهِ الَّذِي أَنزَلَ عَلَى عَبْدِهِ الْكِتَابَ وَلَمْ يَجْعَلْ لَهُ عِوَجَاً * قَيِّمًا لِيُنذِرَ بَأْسًا شَدِيدًا مِنْ لَدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا "
وفجأة لقى سحابة بيضاء جدًا بتقترب من بيته، فكان عنده حصان مربوط خارج البيت وكل ما السحابة تدنو الحصان يتنطط فرحًا وربما الحصان رأى شيئًا لا نراه نحن!
المهم ثابت بن قيص راح للنبي متعجبًا وقاله " يارسول الله لقد تعجبت، أنا إمبارح كنت بقرأ القرآن وكل ما أقرأ ألاقي سحابة بيضاء بتقرب مني وكل ما أزداد في القراءة السحابة تقرب وتدنو مني أكتر "
فرد النبي صلى الله عليه وسلم وقال " ياثابت تلك الملائكة ولو ظللت تقرأ لأصبحت هذه الملائكة للناس تراها جميعًا "
- بأي قلب كان يقرأ ثابت القرآن؟
= بس ده صحابي، أنت هتجيب مكانته لينا؟
- ما هي دي المشكلة، إنك دايمًا بتقول أنا فين والصحابة فين فتكسل وتشوف نفسك ضعيف وبكده تبقى حققت غرض الشيطان يامعلم.
- انظر في ماضي عمر بن الخطاب قبل اسلامه كدا؟
قتل بنته وهي رضيعة.
لكن ماذا بعد أن حسُن إسلامه!
أصبح من المُبشرين بالجنة.
- وخالد بن الوليد؟
كان بيحارب ضد المسلمين وهزم المسلمين وقتل منهم كمان.
وماذا أصبح بعد إسلامه؟
حقق انتصارات للمسلمين تتداولها الأجيال إلى الآن.
وغيرهم الكثير من الصحابة والعلماء والأئمة والمشايخ.
أنت مش قليل، أنت بس لسه مفتحتش صفحة جديدة مع القرآن ♥
وزي ما قال أ.عبدالرحمن خطاب " خد مصحف، واقفل تليفونك، وافصل ساعة عن دوشة الدنيا، وخلي ده ورد يومي ليك .. وبعد شهر؛ شوف بركة القُرءآن في حياتك ".
اقرأ القرآن بقلبك ♥.
لـ / عزة العمروسي
