Burst Into Downfall [✔]

06

Athena

"May nangyari ba? Hoy! Bakit ayaw mo mag share? Last week pa iyon, eh, pero wala pa rin kaming alam."

Namula ang mga pisngi ko dahil sa tanong ni Sabrina. Kaming dalawa lang ang nandito sa bench kasi may klase sa mga oras ngayon si Ayesha. Kanina nya pa ako kinukulit tungkol doon sa amin ni Magnus last time.

Napakagat ako sa labi ko ng maalala na hinalikan nya ang labi ko. I closed my eyes. Nababaliw na talaga ako. Nilingon ko na lamang si Sabrina at umakto akong kalmado para hindi nya mahalata ang pamumula ng pisngi ko.

"Wala naman. We just talked." ....then he kissed me. Napakagat ako sa loob ng pisngi ko para pigilan ang sariling sabihin iyon kay Sabrina.

I trust my friends but I can't share this with them. Kapag sasabihin ko ito kay Sabrina, alam kong sasabihin nya rin ito kay Ayesha kaya ayoko. It's not that I don't want Ayesha to know anything but because she's Magnus' cousin.

Baka sabihin nya kay Magnus na sinabi ko sa kanila! Nakakahiya! Baka isipin ni Magnus na gusto ko iyon!

"Are you sure?" tanong ni Sabrina kaya tinanguan ko kaagad sya. Napabuntong hininga ito. "Sayang naman yung pagtakas namin."

Napairap ako kay Sabrina. "Iniwan nyo ako."

Napahalakhak si Sabrina. "Binigyan lang namin kayo ng bebe time!" napahalakhak lalo sya ng makitang namula ang pisngi ko dahil sa sinabi nya. "Kinilig amputcha."

I just rolled my eyes at her. Naghintay lamang ako mag alas dos bago tumungo na sa next subject ko. Pagkatapos ng klase, dumiretso na ako sa pag-uwi para magbihis bago dumiretso na sa bar para magtrabaho.

"Table 5 ito." sabi ni Ate Rosa sa akin sabay abot ng tray.

Kaagad kong kinuha ang tray at nilapag ang mga ito sa table 5. I just focused myself on work. Natigil lamang ako sa paghahatid ng mga order ng pinagpahinga na ako ni Sir Leon. Kanina nya pa raw kasi ako napapansin na trabaho nang trabaho.

May mga break time kasi kaming mga waitresses. Ayaw ni Sir na pinapagod namin ang sarili kasi baka raw magkasakit kami. Tumungo na lamang ako sa locker area at kinuha ang phone kung may messages ba.

Tumibok ng malakas ang puso ko dahil sa excitement ng makitang nag text na naman si Magnus. Since that incident where we gave each other's number, he always texts. Pero syempre hindi ko ito sinabi kila Ayesha at Sabrina. Baka kasi asarin nila ako.

Binuksan ko ang message ni Magnus at binasa ito. Napangiti ako pagkatapos itong mabasa.

magnus: drink some water

magnus: also, eat three times a day

Mahina akong natawa. Ganito minsan si Magnus sa mga text messages nya sa akin. He acts like my mother sometimes. Iyong pagpapaalala nya na kumain ako at pinapainom nya rin ako ng tubig.