My Empress 🖤️✨ ( Sinhala Ff ) Complete

Chapter : 19 🖤✨️ (SP❤🌹)

My Empress ✨️🖤
Chapter :19 SP 👑

SPECIAL CHAPTER🌟
___________________________________

🌟AUTHOR POV:

වෙනදට වඩා අද රැජිණ හිටියේ ටිකක් හොද මනෝභාවයකින්...ඒ කාලයක් පුරාවටම හොයපු රජකමක් ගැන සදහන් වෙන රතු ලිපිය එයාගෙ අතට ලැබුණ නිසා..තමන්ගේ රාජ්‍යත්වය ගැන තිබුණ ලොකුම අභියෝගය
වුණ රතු ලිපිය ගැන රැජිණ විශේෂ සැලකිල්ලක් දැක්වුවේ තමන්ගේ විරුද්ධවාදි
-යෝ රතු ලිපිය ප්‍රයෝජනයට අරගෙන තමන්ගෙ තනතුරට බලපෑම් කරන නිසා..

රැජිණ රතු ලිපියත් අරගෙන පුස්තකාල ශාලාවට ගියේ ඒ ගැන තවත්  වැඩි විස්තර හොයාගන්න වුවමනාවෙන්.....

"හන් පාලිකාව මම විශේෂ රාජකාරියකට අද ඇතුළ් පුස්තකාලට යනවා..කිසිම හේතුවක් නිසා මට බාධා වෙන්න බැහැ...."

"හොදයි රැජිණියනි !..."

කියපු පාලිකාවෝ රැජිණට ආචාර කරගෙන පුස්තකාල ශාලාව දොර ළග සීරුවට පෙළ ගැහුණේ නියෝගය පිළිඅරගෙන....

හොදයි වගේ කියලා ඔලුවෙන් ඉගි කරපු රැජිණ, ශාලාව ඇතුළට ගිහින් දොර වහගත්තා..පුස්තකාල ශාලාව ඇතුළ වටේටම ඇහැ යවලා පොත් රාක්ක කීපයක් පහු කරන් ඇවිදගෙන ගිහින් නැවතුනේ ශාලාවේ අයිනෙම තිබුණ තවත් රාක්කයක් ළග..රැජිණ ඒ රාක්කේ අතින් පිටිපස්සට තල්ලු කරනවත් එක්ක රාක්කෙ පිටිපස්සෙ තවත් රහස් කාමරයක් මතුවුණා..

ඇතුළට ගිහින් ආපහු රාක්කේ තිබුණ විදිහටම වෙන්න හරි ගස්සලා රැජිණ ඉස්සරහට ඇවිදගෙන ගියා..පාළු පෙනුමක් තිබුණ ඒ කාමරය හවස් ඉර එළියෙන් ටිකක්
ආලෝකමත් වුණා..රැජිණ ඉස්සරහට ඇවිදින ගමන් ගමන් මුළු කාමරයටම ඇහැ යවලා  විපරම් කළේ හරි විමසිල්ලෙන්..

කාමරේ තවත් ඇතුළට ඇවිදන් ගිය රැජිණ ඇදුමේ සාක්කුවකින් ලියුම අරගෙන මේසෙ උඩින් තියලා පුටුවෙන් වාඩිවෙලා ලියුම කියවන්න ගත්තේ බැරෑරුම් මූණක් මවාගෙන..
විමසිල්ලෙන් ලියුම උඩ ඉදලා පහළට කියව කියව හිටිය රැජිණගෙ  අවධානේ බිදුනේ ඇතුළෙන් කහින සද්දයක් මතු වුණ නිසා......

"හහ්....හහ්.....හහ්....."

ඒ නන්නාදුනන කැස්ස මුළු කාමරේ බිත්ති පුරා දෝංකාර දුන්නෙ භයානක පෙනුමක් මවා පාමින්..එකපාරටම මතු වුන  සද්දයක් නිසා රැජිණගේ හිතේ තිගැස්සීමකින් වගේම පොඩි චකිතක් ඇතිවුණා..කහින සද්දෙ ටිකෙන් ටික එයාට ළං  වෙනවත් එක්ක  රැජිණ පිටිපස්සෙන් ආව කෙනාගෙ උරහිසෙන් අල්ලගෙන බිත්තියට තද කළේ එක ක්ෂණයෙ -න්..