💜سـعـد الـبـايـرات💜 بقلم #رباب نجمة وَ إكرام# الحلقة الأولى: منحوسة وباغا نولي عروسة🤷🏻♀️. الجزء 1: قالوا ناس زمان "العَاتْق إلا بارت على سعدها دارت".. وأنا يا سيادي فت سن الزواج ومازال حتا شي سعد مادق بابي.. غادي تقولو عليا خايبة نقولكم زينة البنات.. ولا خفيفة ..بالعكس ثابثة ومحصنة.. ولا غاتقولو يتيمة نقولكم عائلتي هما من كبار القبيلة.. أما لاقلتو عليا منحوسة نقولكم الزهر مخاصمني وعمرو طل عليا ولا زارني..
حكايتي حكاية كل بنت فسني مزال ماحن فيها زهرها.. إسمي رباب وعندي 18 .... باقة صغيرة ولكن التقاليد والأعراف فقبيلتنا كتقول أي بنت فهاد السن خص تكون عروس فدار راجلها وإلا غاتولي عالة على واليديها ومصيرها تموت مرجومة فالساحة الكبيرة لي شهدات على موت شلا بنات بريئات ولكن حيت أنا بنت الحاكم وكبير القبيلة.. هاد الأعراف مكتمشيش عليا.. وإذا درت فبالي نتزوج فغاندي سيد الرجال..
دخلات إكرام صديقة رباب وخدودها حمرين وصدرها كيطلع وينزل بوتيرة متصاعدة.. وجلسات على الكرسي الخشبي واضعة يديها على قلبها..
رمقاتها رباب بنظرات استفهام... رباب: تي مالك على هاد الحالة ؟ إكرام: جيبيلي نشرب.. رباب(قلبات عينيها لجيهة اخرى وربعات يديها): خدامتك أنا.. إكرام: تي جيبيلي نشرب الله يعطيك السم.. مدات ليها الكاس دالما وهي كترمقها بنظرات ريب وشك.. رباب: عاوديلي مالك وفين كنتي ؟ إكرام: خليني غير نرد النفس بعدا..
تسناتها حتا ردات نفسها عاد تكلمات بابتسامة عذبة.. إكرام: احح كون تشوفي على تتيز معامن طلاقيت.. ربعات رباب قدامها وجلايل قفطانها مرميين فالأرض ونطقات معلية حاجبها.. رباب: فين شفتيه ألبغلة؟ إكرام: شفتو فمجمع رجال الحاكم وباينة فيه غريب ماشي ولد المنطقة.. رباب(بإستغراب): آها وشنو جا يدير هنا ؟ إكرام: جا يخطبك.. رباب(بإبتسامة): حلفي أواعدي يانا مامتيقاش..واش بصح.. إكرام: وا نوضي تجمعي من قدامي قالاك بصح.. السيدة تيقات راسها.. نتي مكتوبك تبقاي بايرة حدايا وحتا الا حن فيك مولانا وتزوجتي غاتدي شي كحل الراس لا زين لا فلوس.. رباب: فمك لحسو كلب مصعور إن شاء الله.. إكرام(هزات كتافها): وأنا غا قلت.. رباب: يقليك ويشويك.. #يتبع..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
