💜سـعـد الـبـايـرات💜 بقلم #رباب نجمة وَ إكرام# الحلقة الأولى: عنوان الحلقة: منحوسة وباغا نولي عروسة🤷🏻♀️. الجزء2: رباب: شتي انا ماااازال يجيني سييد الرجال كيتك نتي اكرام( شافت فيها بنظرة استهزاء و طلعات و نزلات فيها ): ويلي انا راه بزهري المخير فالرجال نديه خاص غير نحط انا العين و صافي رباب: راه كاينة غير انا وياك فالبيت يعني ديك العياقة ديريها على لي مكيعرفكش اكرام: تفو يخ متخلي قاع بنادم يحس براسو شوية رباب: انا غير كنبغي نفكرك باش ترجعي للواقع الزينة اكرام: اصلا انا عارفاك مسمومة مهم انمشي فحالي راه والله ويسيق ليا با الخبار راه كنخرج حتى يعلقني من رجلي رباب: اووف وانا غيبقى دارني راسي دابا اكرام ( بنظرة استفهام ): علاش غيضرك مالك اش واقع رباب: وداك التيتيز دابا علاش جا زعما بغا يخطبني اكرام: يخطبك ؟؟ سيري سيري... مكتوبك ضلي بايرة حدايا رباب: مالي منستاهلش زين.. طولة.. تجريدة.. العينين كبار .. الشعر مسبسب .. المخير فالقبيلة يجي يخطبني اكرام ( وهي حابسة الضحكة ): و مالو 18 عام ما جا ياكما تهرس ليه العاود و هو جاي كيشالي يلالا رباب: والله و ماتنوضي تكعدي من حدايا تا ليوما موتك على يدي تكعدي ألكلبة اكرام ( كتجري هزات صندالتها و خرجات كضحك ): هاهي غادا راه الى مامتش على يديك غنموت على يد با ديما خارجة نتسلت بلا خبارو
خرجات اكرام و بقاات رباب كتفكر فداك تيتيز و حلفات حتى تجيب الخبار واخا تكون فقاع البيير و تعرف منين جا و علاش جا
رباب (بالغوات ): يااااقوووت واااا ياااقوووت ياقوت: نعام الالة رباب: ساعتاين وانا نعيط مالك فين كنتي ياقوت: كنت فالكوزينة الالة راه سيدي قال ليا نوجد الماكلة اليوم جايين عندنا الضياف و ما بغا حتا حاجة تكون ناقصة رباب: شكون هاد الضياف لي جايين واش من العائلة ياقوت: معرفتش الالة وهو مقال ليا والو كان فرحان وقال ليا نبغي كولشي يكون على حقو و طريقو رباب: شوفي نقول ليك مني يجيو هاد الضياف غتمشي تسنطي داكشي لي كيقولو و غاتجي تقولي ليا داكشي بالتفصيل ياقوت: واخا الالة غي نسمع شي حاجة نجي نقولها ليك رباب: يلاه سيري دابا
شوية دخل هداك الشاب و معاه عائلتو مو و باه و خوه دخل معاهم سمحمد بات رباب و هو كيقول ليهم محمد: مرحبا مرحبا بالخطاب ديالنا سمعاتو رباب و مقداها فرحة رباب: ناري ناري انا والله حتى انا جاو يخطبوني ناااري اش غندير دابا ( نعسات فوق ناموسية ) الله دابا حتا انا غنتزوج ومني تقول ليا مي جي عندنا نقول لها لا منقدرش ميخلينيش راجلي.... و نبدا حتا انا نفقس بنات القبيلة حينت عندي سيد الرجال .... ياقوت ( دخلات على غفلة و قاطعاتها من الحلم ديالها جاية كتجري): لالة لالة جايين يخطبوووك الالة سمعتها بودنيا لي غياكلهم الدود رباب ( وقفات وهي فرحانة مقاداها فرحة ): حلفي اياقوت ... قولي ليا اش كانو كيقولو بالتفصيل ياقوت: سمعت الالة باك كيقول ليهم " الدرية راه بنتنا و مساخينش بيها الى مكنتيش غتعيشها مزيان فبلا متزوجو " رباب ( عقدات حجبانها ): لا اويلي غنتزوجو قالاك ... اهاه وهو اش رد عليه ياقوت: قاليه الالة " لا اعمي بنتكم على راسي وعينيا " رباب ( عضات على شنايفها ): ايييي الصكع كيموت عليا .... صافي اياقوت شكرا غير سيري شوفي خدمتك.. #يتبع..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
