سـعـد الـبـايـرات

|6|

💜 سعد البايرات 💜
بقلم # رباب نجمة وإكرام #
الحلقة الثانية
عنوان الحلقة : الفانوس السحري🧞‍♂️🧞‍♂️
الجزء 6 :
👑 أصبحنا و أصبح الملك لله 👑
صبح الصباح و شميشة طلعات .... دخلات شميشة لقلب بيت رباب ... فاقت وجدات راسها على اساس ان ليوم غيجي فارس احلامها ... لبسات قفطان كيف العادة كيف لا وهي بنت حاكم القبيلة .... قادات راسها سوكات وكحلات و دارت العكر لفمها و حنيكاتها وجلسات طل من الشرجم ... علا وعسا يجي هاد فارس الاحلام ...
واحد الشوية حتا كيتسمع ليها الصداع فالدار وهي طل من شرجم بيتها..

رباب : نااري جاو جاو و الله الى جاو ( فخاطرها ) نعيط على ياقوت تجيب ليا الخبار ( بالغوات ) ياقوت يااااااقوت
ياقوت: نعام الالة اش حب الخاطر ( مهبطة راسها )..
رباب: حشمانة ياك عارفة راسك اش درتي..
ياقوت: والله الالة مدرتها بلعاني ... انا بالصح سمعت .. ولكن مني قال سيدي بنتنا مساخياش علينا فكرت فيك غير نتي..
رباب: معلينا ... المهم هاد المرة ردي بالك وسمعي مزيان و تأكدي عاد جي قوليها ليا..
ياقوت: لا الالة آخر مرة ...
رباب: شكون هاد الناس لي جاو
ياقوت: آه .. هادو الالة جاو يخطبوك .. راه باركين الالة فالصالون مع سيدي محمد..
رباب ( بفرحة ): حلفي ... واش جاو على قبلي ياك..
ياقوت: اه الالة على قبلك..
رباب: و كي داير هاد العريس واش فايت ليك شايفاه..
ياقوت: لا الالة ولكن كيعاودوا عليه عندو شلاااا اراضي و هو الحاكم ديال القبيلة لي حدانا..
رباب: ايييي اخيرا حن عليا زهري سيري سيفطي الحسين يمشي يعيط على إكرام وقولي ليه يقول ليها تجي موجدة راسها..
ياقوت: واخا الالة ...

بقات رباب كتسنا اكرام تجي عندها ومقاداها فرحة ... حتا البركة مقاداش تبركها وهي دخل اكرام بعجاجتها..

اكرام ( كتنهج ): منين دبرتي عليه منين !..
رباب: ابشوية عليك دخلي ردي فيك النفس بعدا..
اكرام: جيبي كاس الما ... سربي راه غنموت ..
رباب ( عطاتها الما ): هادا كولو سم فيك .. شدي تشربي فيه السم ان شاء الله..
اكرام: منين جا هاد الخطيب ثاني...
رباب: راه قلت ليك غنتزوج غنتزوج واخا مكتوبي تعطل عليا ولكن كنت حااسا غيجي.. متخافيش البايرة منساكش الى كان عندو شي خوه كبر منو نزوجو ليك..
اكرام: ياك اختي وليتي تعايريني بعيبي اوا شكرا..
رباب: راه غير كنضحك معاك اصحبتي..
اكرام: ممممم صافي .. ولكن متعاوديهاش مرة خرا غنتقلق منك..
رباب: اوا صافي راه قلنا ليك سمحي ليا..
اكرام: معلينا... شكون هاد الخطيب و واش كتعرفيه..
رباب : ويلي على مقلتش ليك ... ( عاودات ليها على الفانوس لي لقات... )
اكرام: وانا كنقول مالها شادة ديك السلة و مبغاتش تحطها .... مالك مقلتيها البارح ولا خايفة على زهرك..
رباب: ولا اصحبتي راه كنت مخلوعة داكشي علاش..
اكرام: ممم اوا صافي..

دخلات ياقوت وقاطعات هضرتهم..

ياقوت: لالة راه سيدي محمد عيط عليك تجي تبركي مع الضياف..
رباب ( بفرحة ): نااري واخيييرا ... يلاه ا اكرام تمشي معايا..
اكرام : يلاه زيدي نشوفو هاد الخطيب لي جابو ليك داك الج....
نغزاتها رباب( زعما سكتي )..
اكرام: اييي مالك ثاني..
رباب : هيهي زيدي زيدي بلا منخليوهم يتسناو..
مشاو بركوا فالصالون و رباب حادرة راسها زعما حشمانة..
محمد: هانا اسيدي هاهي بنتي لالة رباب .. زين وثباتة و الحصانة و متلقاش حسن منها ... بنتي هزي راسك شوفي خطيبك ...
رباب هزات راسها وهي تعقد حجبانها .. وحولات ضحكتها لتغوبيشة ممفهوماش ..
رباب: الله يا ربي اش هادشي..
محمد : مالك ابنتي؟
رباب : والو ابا غير.... واخا ندوي معاك شوية..
خرجو برا...
محمد: اش كاين .. واش معارفاش بلي حشومة نخرجو و نخليو الضياف بوحدهم..
رباب: سمح ليا ابا ولكن انا مبغيتوش معجبنيش...
محمد: كيفاش و علاش مالو اش ناقصو ؟
رباب: والو غير مبغيتوش و مرتاحيتش ليه..
محمد: لي عجبك مغنبززش عليك دبا ختاري و تخيري و لكن متنسايش راك كبرتي..
رباب :صافي ابا..

مشات رباب لبيتها والفقصة شاداها من صبعها الصغير واكرام تابعاها و مقادراش تسكت من كثرة الضحك..
رباب: سكتي ازمر سكتي بلا متعصبيني..
اكرام: ناري ... ههههههه .... صمتي 18 العام و غتفطري على هاد خونا سنانو قاع طايحين بقات عندو وحدة باش يبقى يقوليك حبيبة ثنبغييك ههههههه
رباب: اهئ اهئ سكتي سكتي حشوما عليك..
اكرام : فين هي هاديك لي كانت كتشفا فيا هههههه..
رباب: خرجي اهئ اهئ اهئ سيري بحالك بعدي مني غتزيدي تفقصيني..
اكرام: هاني غادة وااع على بايرة هههه..
رباب ( ضرباتها بالصندالة ): سيري الله يعطيك...

خرجات اكرام و مشات رباب لداك الفانوس حكاتو و خرج داك الجن الأزرق..
الجن الأزرق: شبيك لبيك لي طلبتيها بين بديك..
رباب: هادشي علاش تافقنا اسي الجن..
الجن الأزرق: هادي نتي ... ياك جاك الخطيب اش بغيتي مازال..
رباب: تجيك فالراس إن شاء الله.. انا قلت ليك بغيت عريس ماشي لافيراي..
الجن الأزرق: طلبتي عريس هاهو حضر معندي باش نفيدك مزال..
رباب : بغيت نبدل امنيتي..
الجن الأزرق: لا ما يمكنش امنية وحدة لي عندك..
قال الجن الأزرق داكشي لي عندو ورجع للفانوس..

رباب: يخ تفو كيف العادة ثاني مسهلش الله فالزواج اهئ اهئ ديما زهري مكوز اصلا عارفة راسي منحوسة اهئ اهئ..
#يتبع.. رأيكم حبيباتي ؟💜