سـعـد الـبـايـرات

|22|

💜سـعـد الـبـايـرات💜
بقلم #رباب نجمة وَ إكرام#
الحلقة السابعة:
عنوان الحلقة: جيبوليا ولد عمي.
الجزء 22:

🌹تفاجا الحال والحركة بدات فالقبيلة كل واحد مشا للمهام ديالو ها لي كايخدم فالزيتون وها لي كيسرح الغنم والبهايم وها لي كتغزل وها لي كتعجن وطيب وكاين لي مازال خامر ومتكي فبلاصتو بحال رباب🌹

.. سمعات رباب الدقان وهي تنوض من فراشها بدات كطل من شرجم بنص عين ...

رباب : الله ياربي شكون هادا لي جاي عندنا على الصباح ...

مشات ياقوت حلات الباب ....
ياقوت : السلام سيدي .. اش حب الخاطر
عدنان : معرفتيينيش ..
ياقوت ( طلعات حاجب و هبطات الاخر ) : شكون بالسلامة
عدنان ( بضحكة جانبية ) : عدنان ..
ياقوت ( قاطعاتو ) : ولد خو سي الحاكم ..
عدنان : هو هاداك
ياقوت ( بدلات تعابير و جهها بحشمة و هبطات راسها ) : سس ... سمحليا والله ما عرفتك اسيدي .. تبدلتي بزاف ..
عدنان : هانية ماشي مشكل ... ههه عارف راسي تبدلت ...

👑 عند رباب 👑

رباب ( واقفة حدا الشرجم ) : اووف شكون جا من قبيلة و ياقوت حدا الباب
شوية حتى كتبان ليها ياقوت داخلا و موراه واحد شاب زويين ههه ...
رباب ( بفرحة بارزة على وجهها ) : هو .. هههه ... والله حتى هو الله ياربي اش كيدير هنا

شوية حتى كيبان ليها الخدم مدخلين الباليزات ديال عدنان للدار واحد مورا واحد

رباب ( بنظرة استفهام و فرحة فنفس الوقت ) : واش هاد زين كامل غيبقا عندنا لا متقولوهاش .. هاد الخبيرة مخاصهاش تفلت على اكرام ...

اجيو نوصف ليكم عدنان شوية هو عندو 26 عام البنية الجسمانية ديالو رياضية بامتياز .. عينيه كحلين حجبانو كتااف و فم ورديي .. اما الشعر بلا مندويو عليه رطب من الحرير و كحل ... ( صافي براكة عليكم 😂😂 )

💓 عند عدنان 💓

عدنان : سمح ليا اعمي جيت بلا منعلمك..

#يتبع..