سـعـد الـبـايـرات

|7|

💜سـعـد الـبـايـرات💜
بقلم #رباب نجمة وَ إكرام#
الحلقة الثالثة:
عنوان الحلقة: الهبيل وبنت شيخ القبيلة.
الجزء7:

فجنان وااسع كانت بنت الحاكم وبنت شيخ القبيلة كيتمشاو..... وفين مايدوزو من حدا شي شجرة د التفاح  كيكونوا سالاوها وكلاو ثمراتها..
إكرام: تي مالكي مهاوشة باركة عليك من الماكلة.. التفاح قريب يخرجليك من ودنيك..
رباب: ونتي مالك ياكما نتي لي سايرة تزرعي فيه..
إكرام: إييه با گالاك لي زرعوا..
رباب: صافي غاهنينا(لاحتليها التفاح لي جامعة فجلايلها) هاهو تفاحكم 🍎 بالناقص منو..
إكرام: ماتقوليليش تقلقتي أنا غي خفت تغلاظي وكرشك تولي سابقانا 😅.. ماتلقايش لي يشوف فيك وتعودي باركة تندبي حدايا..
رباب: وخا ناكل لي كليت مكاتبانش فيا ماشي بحالك يا الباطوزة..
إكرام: إوا ها لي مابغينا.. وليتي تعايريني فوجهي..
رباب مدات يديها لتفاحة لي فالأرض وعضات فيها وتكلمات بفمها عامر..
رباب: حسن مانقولها فظهرك..
إكرام: يااه على مهاوشة...
رباب(شدات فيديها جاراها): واش كاين شي حد معنا ولا ؟
إكرام: لا تي شكون غايكون ياك با المعطي بقا الفوق..
رباب(وسعات عينيها): وديالاش هاد الصوت..
إكرام: تي شمن صوت راك خلعتيني..
رباب: حس الخطاوي مور الزرب.....

ماجات فين تكملها تا كان خرجليها شاب قصير وراسو فيه زغبات قلال باقي الصلع ماتمكن منو......فمو زرق وسنانو مصديين...
كميشة: ياكما خلعتك أ الحبيبة ديالي...
إكرام(وسعات عينيها ماعاجبها حال): تا منين خرجتيلي هاويلي..
ضحكات رباب بالجهد عليه وتكلمات..
رباب: جا يشوف الحبيبة ديالو..
إكرام: سكتينا نتي..
رباب: ههه سعداتك ياختي فقيهك صحيح هه..
إكرام: إلا غرتي مني هاهو خليتولك ربحي بيه..
رباب: ههه الله يحفظني وينجيني أنا مانتمنى غير سيد سيدو وإذا كنت ندي بحال هذا اللهم نبقا بايرة فخيمتنا حسلي..
إكرام(قلبات وجها لعندو): تا شنو جابك عندي؟
رباب: جابو الهوا ههه..
إكرام: سكتي نتي يرحم يماك..
كميشة: جيت نشوفك أ كرومتي توحشتك..
إكرام: توحشك لفعى إن شاء الله..
كميشة(غمزها): مقبولة منك أزين..
إكرام: إلا مابعدتيش مني وخطيتي ساحتي والله تانقولها لبا وديك ساعة مشيتي فيها خلا..
كميشة: ومانبقاش فيك أنا أكرومتي ها ؟ حني فيا راه قلبي كيتعذب..
رباب: واش نت مزال مابغيتي تحشم..الله ينعل باك لي مارباك.. البنت ماباغاكش بعد من ساحتها وإلا غانقولها للحاكم ديك ساعة الخبار فراسك..
إكرام: إوا دك وغبر عليا زلافتك..
كميشة: هاهو غادي ولكن منك مامفاك أكرومتي تا تولي عروستي وتحت جناحي ..
رباب: بلارج نت...
كميشة(علا حاجبو بغرور): سيد الرجال..
رباب: ههه واتا سير قاد غي وقفتك وديك ساعة اجي نتفاهموا قالك سيد الرجال..
إكرام: يا ربي فوقاش نتهنا من هاد الموصيبة...

#يتبع..