لا تنسون التصويت + التعليق + متابعة الحساب
#رئيكم_يهمني
احبكم طراكيع كلبي 🤍🕊
البارت الثاني
**********************
سما: جاي انزل من الدرج و شفته كدامي كتله
هاا شلونك
فرقد : هلا
يمه فدوة اروحلج حرريلي الاكل ميت جوع
ام فرقد : حاضر وليدي بدل و تعال
سما : دار وجهه و صعد و ضليت مصدومه يعني هل انتضار كله علمود كلمة هلا بالعباس ردت ابجي ضليت واكفه بمكاني ورا شوي نزل و خاله جابتله الاكل باعت عليه كالت
ام فرقد : سماوي حبيبتي تعالي اكلي ويا فرقد امج كالت مماكله زين
سما : لا خاله ما اشتهي
طبعاً خالتي فدوة اروحلها كلش حنينه و كلبها ابيض
فرقد : بويه تعالي شوف شضعفاتج صايره مو راح تنكطمين
سما: ضلو يضحكون عليه و فارس يصنف يكول عوده وجهي صار احمر من المستحه حتى و هو يحجي ميباوع عليه شكد ضجت من نفسي يعني انتضر شوفته و اعد الايام لحد ما يجي و تالي يعاملني هيج معقول يحب وحده
رحت كعدت يمه ضليت اكل شوي شوي و افكر بي حط بوجهي لكمه بكبر راسي و اني كوه اكل كلت
هواي عليه هاي ما اريد
فرقد : فكي حلكج بويه شنو هاي تاكلين بالتقصيد
سما : والله ما اريد
فرقد: تردين ايدي
سما : مديت ايدي اريد اخذ الفه مقبل
فرقد : لا انه اوكلج فتحي حلكج بسررعه يالله حبابه
سما: فتحت حلكي بس حسيت باصابيعه صارت يم شفتي عضيت أصبعه بسرعه جر أصبعه و صرخ
فرقد : اخخخخ خرب ذيبه ولج كطمتي اصبعي
سما : ضليت اضحك عليه و هو باوعلي و ضحك
فرقد: مابقه شي لدوامج جيبي كتب و ادرسي من هسه احسن
سما : اي هو هم هيج كلت اجيب كتب و ملازم
فرقد : لا عيفي الملازم بس تقرين بيهم تتعلمين عليهم و الملزمه مو كل شي بيها سأليني انه
سما : هااا
فرقد: وجعا بويه ام حلك الاعوج اكلج برد و انه راح اكوم اخاف تستحين مني
سما : هو صدك اني استحي منه بس مصدكت حجه وياي كعد على القنفه و ضل يسولف وياي على دراستي و من يشوفني اضحك يضحك و لمن ادنك احسه يباوع عليه و من اباوعله يندار
مر الوقت بسرعه و اجا بابا و رجعنا للبيت و اني كلبي يدك بقوه و احس نفسي ملكة الدنيا و مابيها بمجرد حجيت ويا و ضحكت و وكلني صرت اتخيل لمن نتزوج شلون راح يدللني و يوكلني و يضحك وياي جانت أحلامي و مشاعري بريئه جنت اشوفه كل شي بحياتي من اني وصغيره هو يهتم بيه هو لعلمني اتوضه و اصلي و علمني هواي امور
نمت و اني افكر بي و احلم يجي يوم يصير من نصيبي
ثاني يوم رحت لبيت جدو اهل بابا طبعاً هم بيتهم بصف بيتنا طبيت للبيت لاكاني عمي بلال
أنت تقرأ
مشاعر بريئه
Любовные романыانت قدي انت نصيبي انت سندي و ضياء عيني انت روحي و انت عمري انت شعري و انت صبري انت بيتي و انت سجني انت كل شيء بالنسبه لي انتِ سمائي و انتِ غيمتي انتِ اميرتي و انت حبيبتي انتِ وجعي و انتِ طبيبتي انتِ شمسي و انتِ قمري انتِ فؤادي و انت بلادي انتِ صب...
