هلا والله بخصوص نشر قصة مشاعر بريئه بين يوم و يوم اما قصة وجمعتنا لاقدار راح يكون كل أسبوع و اتمنالكم قراءه ممتعه
لا تنسون التصويت + التعليقات + متابعة الحساب
#رئيكم_يهمني
احبكم طراكيع كلبي 🤍🕊
البارت الخامس
*******************
سما : ضليت واكفه مصدومه من حجي عمو بشار معقول يسويها انتبهت على بابا كان هادي بس حجه بصوت مكسور مرد كلبي
ابو سما : اهدء بشار إنشاءالله أدبر الفلوس
بشار : شوف كدامك منا لباجر اذا مدبرتهم اشتكي عليك مو بس انت لا انت و مرتك افتهمت
سما : بابا جان هادي بس لمن عمو كال اشتكي عليك انت و مرتك طفح الكيل عنده و تغيرت ملامح وجهه من لاسف و الهدوء إلى الغضب و الصرامه
ابو سما: ما تستحي على نفسك تحجي هيج و لك تريد تشتكي على مراه ولك نسيت هاي لربتك و لدرستك و وصلتك للي انت بي يا حيف خساره بيك التعب
بشار : انجب و اسكت طاحظك انت و مرتك
سما :عمي تجاوز هواي بالحجي و ابويه ضربه راشدي و عمي متحمل هجم على ابويه و صارو يتمالخون ضليت اصرخ و امي جانت فوك نزلت بس شافتهم واحد نايم على الثاني و جايج يتمالخون ضلت تدك على وجها
ام سما: ولج سما روحي صيحي جدج و عمامج بسرعه
سما : طلعت اركض بيت جدو و عمامي كلهم يمنه احنا بيوتنا واحد بصف لخ صايره رحت لبيت جدو جانو جدو و بيبي و عمو حميد و بلال و محمود كاعدين يشربون جاي
_ جدو الحك بابا و عمو جاي يتعاركون واحد راح يموت الثاني
اني كلت هيج و كلهم كامو يركضون و بيبي لبست الجادر و ركضت تدك على رأسها رجعت للبيت لكيت عمامي بالكوه مفاككيهم و بابا حاجبه مشكوك و طالع دم من كصته و اضفره مشلوع لانو عمي عاضه و كله صاير دمايه جدي طرد عمي
وكعد بابا يسولفلهم على لي صار
جدو : جا مشكلتكم من ورا ٥٠٠ الف جان استحه على نفسه هذاك الاغم و انت هم ليش متكلي
ابو سما: بويه الشغله ممستاهله كتله كم يوم و اكمل المبلغ يعني شصار بس هو اجاني حامي يدور عركه
سما : جنا كاعدين و حسينا بصوت هوسه و عياط برا اجت نجمه تركض
نجمه : بابا بابا شفت عمو بشار جاي و جايب سلاحه و الولد لازمي
سما : هيه كملت و ابوي و جدو و عمامي انتفضو من مكانهم و جاي يطلعون و عمي بشار فات و بيده سلاحه خواتي لصغار ضلو يبجون و امي و بيبي يصرخون و هو وجه احمر على ازرك بيومها مشفت عمي بشار شفت شيطان من وجهه يطلع شرار ظل يصرخ
بشار: اليوم اموتك يا محمد اليوم اموتك انت تمد ايدك عليه تشاهد على روحك يا نكس
جدو : بشار شجاك اكو واحد يحجي ويا اخو هيج ولك الشغله ممستاهله ليش تضحك العالم علينا نزل سلاحك من وجه اخوك عيب
أنت تقرأ
مشاعر بريئه
Любовные романыانت قدي انت نصيبي انت سندي و ضياء عيني انت روحي و انت عمري انت شعري و انت صبري انت بيتي و انت سجني انت كل شيء بالنسبه لي انتِ سمائي و انتِ غيمتي انتِ اميرتي و انت حبيبتي انتِ وجعي و انتِ طبيبتي انتِ شمسي و انتِ قمري انتِ فؤادي و انت بلادي انتِ صب...
