مشاعر بريئه

البارت ١٧

لا تنسون التصويت + التعليقات + متابعة الحساب

#رئيكم_يهمني

احبكم طراكيع كلبي 🤍🕊

البارت ١٧
********************

سما : ولله احس شي خانكني شي يمنعني اتنفس شي ثكيل ع كلبي بعد ماسمعت هل سوارات جانن ملات مهري اتاذيت كلش وتعبت نفسيتي رجعت امشي بدون روح تعبت حيل كعدت بالصالة. اجت كعدت يمي فدوى

فدوى : شبيج سماوي مو على بعضج مضوجج فرقد بحجايه

_ لا بالعكس فرقد مايضوجني ابد
ضحكت كالت

فدوى: غير يحبج يموت عليج
باوعتلها ودنكت راسي

_ ادري

_ سماوي اذا هسة انتي مامخطوبه واجا خطبج فرقد توافقين لو لا

_ اي اوافق وين الكه مثل حبه و بالاخص هو مربيني

فدوى : جا مانتظرتي ترا بعدج صغيرة انتي

سكتت احتاريت شكللها كلها تلومني كلها بس محد يحس بية ولله محد حتى هو يلومني اذا مو بالحجي نظراته تكفي مايدري عشت شعورة وعشت ازيد من شعورة تاذيت ضعف اذيتة لحد هسة اني مافاصحة عن حبي اله لحد هسة كاتمة حبي اله ماكدرت اسكت نزلت دموعي على خدي

فدوى : يا يا يا ولج نشاقة شبيج تبجين

سما : زفرت بتعب
_ تعبانه فدوى تعبت

اجت فرقان باوعتلي بطرف عينها وكعدت بس اريد افهم شبيها هاي كتلها
_فرقان شبيج ضايجة مني سامعتلج حجاية علية

فرقان : هسة انتي على شنو مهتمة بصخامة فرقان عوفيها بحالها شبيج لزكتي مابية شي يابة ولا سامعة شي اله اسمع ومو جاي اشوف

_فدوى :انجبي شتشوفين

_اوكفي فدوى خليها تكمل اي بالله كملي شنو شايفه عليه احجي لا تخليها بكلبج

_ بالله سكتي سكتي ترة روحي طالعة وتعبانة مالي خلك للجدالات

ردت ارد عليها اجت امي باوعتلي وكالت

_شبيج

_ اريد ارجع ويا ابوية من يجي

_ ليش

_ احسن

باوعت علينا بشك فرقان دارت وجها لانو استحت

ام سما: ابوج باجر يجي

_ ميخالف باجر اني ارجع وياه ماريد ابقى هنا

فدوى : ليش ولج ماتحظرين العرس

سما : ما اريد

فدوى : ضلي تونسي ويانا شنو السالفة دوم بالبيت نفهي عن روحج و لا تهتمين لشي مو كل يوم صاير عدنا عرس

_ لا ماريد اروح احسن
باوعت على فرقان بنظرة عتب اي عتب هاي صديقتي اقرب وحدة الية مافهمتني منو يفهمني بعد خسرتها وخسرت فرقد ويمكن خسرت بيت خالتي كلة
ضليت كاعده بالاستقبال لحد ما صار وكت العشه رحنا اني و فدوى و نجمه و فرقان نسوي
اني اكلي بيذنجان وبتيتة و نجمه و فرقان يسون المقبلات والزلايط و فدوى تسوي الكباب والسمبوسة دخل فرقد وكف بالباب صاح بصوت عالي كمزنا