طبعاً لمن نشرت أشباه الابطال نشرت بس سما و فرقد المشكله سما جانت دازتلي صوره لفرقد قديمه و البارحه ردت منها بعد صور دزتلي انصدمت بالتغير لي صاير بشكله انشاءالله كم يوم و انزل بعد أشباه
اما بخصوص بارت وجمعتنا لاقدار يمكن باليل انزله لانو بي هواااي تفاصيل كون تتذكر
لا تنسون التصويت + التعليقات + متابعة الحساب
#رئيكم_يهمني
احبكم طراكيع كلبي 🤍🕊
البارت ١٢
*************************
سما : شفت امي تباوعلي بصدمه و كالت
ام سما: على شنو
سما : موافقه اتزوج
ام سما: متأكده
سما : اي ماما اني فكرت زين
ام سما : سما هذا زواج مو لعبة هاذ مسؤولية اذا تشوفين نفسج مو كد المسؤولية لا توافقين بعدج صغيره
سما : فكرت زين و الرجال خوش رجال
ام سما: خير انشاء الله باجر اكول لابوج
سما : عفت امي و فتت للغرفه جسمي كله يرجف يارب وفقني بحياتي
العصر امي خابرت ست خلود و بلغتها بالموافقه و كلش فرحت و كالت لأمي
خلود : شوفي احنا بالناصريه منكدر نجيكم جيتين خل نجي جيه وحده هم مشية زلم و نسوان و هم عقد و الولد يشوفها اذا عدكم مجال الخميس نجي
ام سما : خوش يصير خير ننتظركم
سما : صار يوم الخميس و احسه بسرعه اجى الكل لتمو يمنه و عمه بسمه كعدت تعدل وجهي و تمكيجلي مكياج خفيف اجت خالتي ام فرقد و فرقان اخخ منها جانت ضايجه سألتني اذا متأكده من قراري بداخلي اريد اصرخ و احس اكو حرب نفسيه كلبي نار من جهه اريد ما اريد و اخاف و من جهه احس بالراحه حايره كلش رديت عليها و كلت
متاكده
اكتفت بس بالابتسامة و كالت
فرقان: الله يسعدج
ورا شوي اجوي و امي صاحتني قدمتلهم لضيافه جانت جايه ست خلود و خالت شاهر و مرت اخو جانت ضايجه ووجها ميكصه السيف
كعدت يمهم ورا شوي رحت ابدل لانو راح يجي السيد يعقد اجت امي جانت ضايجه سألتها شكو
ام سما: فرقد بالمشيه مال زلم طالب مهر يكسر الظهر و ابوج كايل ما علينا بالفلوس احنا نريد رجال و فرقد زعلان و كايل بعد لا تدخلوني بهل موضوع
سما : احس كلبي نعصر كلت لأمي
وليش فرقد كال هيج
ام سما : يريد يخربها للشغله
سما : مفتهمت يخرب شنو
ام سما : مو وكت الحجي يالله بدلي السيد ينتضر
سما : ما ما بدل كولي شكو
ام سما : بعدين اكلج بس فضيني
سما : بدلت و لبست فستان ابيض و حطيت شال على راسي باوعت على نفسي بالمرايا رغم جنت طالعه حلوه بس احس شي باهت بحياتي طلعت و ضلو يهلهلون كعدت على الكرسي ورا الباب و احس بخنكه بصدري لحظه سهيت و تذكرت حبي لفرقد و شلون لمن جنت أزور اطلبه من الائمه تذكرت كلشي عشته وياه من الطفوله لحد هاي لحظه كلشي مر كدامي مثل شريط فلم مسرع فزيت على صوته كال
أنت تقرأ
مشاعر بريئه
Romanceانت قدي انت نصيبي انت سندي و ضياء عيني انت روحي و انت عمري انت شعري و انت صبري انت بيتي و انت سجني انت كل شيء بالنسبه لي انتِ سمائي و انتِ غيمتي انتِ اميرتي و انت حبيبتي انتِ وجعي و انتِ طبيبتي انتِ شمسي و انتِ قمري انتِ فؤادي و انت بلادي انتِ صب...
