مشاعر بريئه

البارت ١٨

لاتنسون التصويت + التعليقات + متابعة الحساب

#رئيكم_يهمني

احبكم طراكيع كلبي 🤍🕊

البارت ١٨
********************

احس اطرافي نملت شنو ننفصل شجاي يخربط وكعت دمعه مني على الشاشه هفيت وجهي بسرعه و حاولت اسيطر على الرجفه لي اجتاحت جسمي رجع دزلي مسج جان بي بس علامة استفهام يريد يعرف ردي كتبتله

_ براحتك

_ شنو براحتي

_ براحتك إذا ما مرتاح الله وياك ما مجبور تبقى
دزيتله لمسج و دموعي عشره على عشره ابجي بدون صوت حتى رده البارد صدمني اكثر جنت اتوقع يكول اشاقى بس صدمني رده بكل برود كتب

_ تمام باي

_ الله وياك و فلوسك اليوم يرجعن لام خوله وياهم الموبايل و الذهب مشكور ما قصرت همزين ثبتت حبك الي و احنا بعدنا على البر همزين ما اتورطت وياك و تزوجنا الله وياك داده ما جابرتك تبقى وياي و اتمنالك كل الخير

اكتب و دموعي عشره على عشره حتى معرفت شكتب بس حجيت لي اجا بالي شفته شاف للرساله دك كبل متحملت رفضته ما اريد يسمع صوتي لمن ابجي ويكول عني ضعيفه لو ضعفت بفراكي شفت جاي يكتب كبل مسحت الواتساب و حضرته من الرقم و مسحت كل البرامج و خليت الهاتف وضع طيران و شمرت الموبايل اجت امي

_ شبيهن عيونج وارمات

_ منايمه زين بيت خالتي

_ هسه مصرتي تنامين زين بيت خالتج عجيب والله زين شبيج ويا فرقان

_ ما ادري والله ما ادري كلبت عليه فد مره تكول كل لي جاي يصير بفرقد من ورايا
عكدت حاجبها باستغراب

_ ليش عندج شي ويا فرقد

_ اي والله عندي ويا حب و غراميات و رسائل
الله يالله جاي تشوفين مكابلتج اربع و عشرين ساعه و سياره توديني و سياره ترجعني من لمدرسه هاي مو كدامج

_ زين راح اسألج سؤال و اريد تجاوبين بكل صراحه

_ نعم

_ هم حبيتي فرقد لو لا جنت اشوفج دوم عينج عليه

جريت حسره بسبب سؤالها لمتأخر
_ لا ماما ما حبيته بس جنت متعلقه بي
ضربت رجلها بالكاع بقهر و عضت اصبعها

_ اخخخخ شفايتلج لو تتزوجين فرقد و ترحين يم اختي هاي مدلله جناتها اخر دلال منه و بينا و ولدها أصحاب مسؤليه و ماكو منهم اخخخخ لو فرقد يقبل انطي نجيمه اكبعها و انطيها بس هو يحبج

دارت وجها و راحت بعد ما وجهتلي حجيها مثل الطعنات بكلبي ويننننن جنتي ويننن ليش هسه حجت هل حجي ليششش ليشش
رحت نمت و دموعي على خدي من جهه شاهر و من جهه حجي امي هلكد ما بجيت صار عندي مغص بكليتي مهتميت نمت و حسيت على وجع قوي لا يطاق حسيت روحي راح اموت خلص اريد اصرخ ما اكدر عضيت اصبعي لحد ما طلع الدم متتتت بجي اجتي امي شافتني ابجي و اشهك لطمت صدرها و كالت