هلا والله طراكيع كلبي
حبيت ابلغكم راح أوقف القصه منا لبعد العيد لانو مجاي الحك انشر و جاي اتعطل و اعطلكم و اضوجكم لذالك راح أوقف القصه بين ميخلص العيد و بهل الفتره راح اكتب كم بارت و ارجع مثل الاول التزم وياكم بالموعد و ارضيكم صدكو ما احب التأخير ابد بس هاي ليالي القدر متتعوض و وفاة الامام علي
هوااي مشغولين بالأعمال اتمنى تعذروني و انشاء الله بعد ما أطول عليكم او اتأخر
لاتنسون التصويت + التعليقات + متابعة الحساب
#رئيكم_يهمني
احبكم طراكيع كلبي 🤍🕊
البارت ٢٠
*******************
سما : رحت اتوضه لكيت مهند جاي يغسل و فارس يمه يسولفون ردت ارجع استوقفني صوته
مهند : تعالي شفتج ليش تشردين
استحيت رحت وكفت كباله
_ اريد اتوضه
_ البيت بيتج و احنا خطار اخذي راحتج و لا تتقيدين
دار وجهه وراح شكد حباب و مثقف و يفتهم
شفت فارس بعده واكف و يباوع عليه
_ هااا سلامات عيني شبيك كالب وجهك و تباوع عليه روح لمرتك دلغم يمها
_ انتي تكرهيني
_ لا داده عليمن اكرهك
_ ولله الندم ياكل ويشرب وياي و من لمن تزوجت لحد الان انه مدري شبيه والله الندم اكل كلبي
_ سؤال هسه ارتاحيت من شفتنا كلمن بمكان
_ ولله اذا تفسخين الخطوبة فرقد ياخذج ولقران هو يحبج
_ شنو افسخ الخطوبة و زواجي بعد اسبوعين شنو لعب جهال
_ جا شلون سما مجاي اتحمل اشوفكم هيج
_ خويه مبري الذمه ماريد منك بس تدعي لاخوك ينساني و يلكه بنت الحلال لي تستاهله و تسعده
_ سما يحبج يحبج ماينساج ابد مو حب كم سنه علمود ينسى بسهوله فرقد رباج على ايده كليلي شينسى
عفته و دخلت للحمام ياربي شنو هل حرب النفسيه هاي يا ربي شوكت ابعد و اروح للناصرية ولله اجتني هل خطبة رحمة من ربي همزين بعيدة بمحافضه ثانيه لو اتزوج بالعماره جان اتخبل رسمي
توضيت وطلعت لاكاني الصاك
_ شلونها العماره
_ تخبل جنه
_ كلمن يمدح ولايتة
_ مو قصة امدح ولايتي بس احس العماره حنينه و دافيه
جنه نحجي و اجت فرقان وهو باوعلها وضحك وهي هم دنكت راسها وضحكت اني ابتسمت على ضحكتهم باوعلي وكال
_ عليمن تبتسمين
_ شفتكم تضحكون و ابتسم
_ اضحك على هاي ام كرش بس تاكل
أنت تقرأ
مشاعر بريئه
Romansaانت قدي انت نصيبي انت سندي و ضياء عيني انت روحي و انت عمري انت شعري و انت صبري انت بيتي و انت سجني انت كل شيء بالنسبه لي انتِ سمائي و انتِ غيمتي انتِ اميرتي و انت حبيبتي انتِ وجعي و انتِ طبيبتي انتِ شمسي و انتِ قمري انتِ فؤادي و انت بلادي انتِ صب...
