كرونيك: و_شاءت_الاقدار

10

🎶 الحلقة 10 🎶
فيقها من دهشتها يدين ريماس يقرسو فيها من خدها
-ماما !! شبيك ساكتة !!
-ااه (هبطتها في القاعة ) برا ادخل رموسا هاني جيت ماما ... (و دارتلو )... عيشك أسد اليوم نسيتها مالهم الي تعدا عليا ...(و قحرتلو )...
جات باش تسكر الباب .. عرضلها ساقو. ..
- مازلت ما مشيتش باش تسكر الباب .. متوحش ريماس ... (بعدها من طريقو و دخل و هي باهتة في عجب ربي )ريماس إيجا روحي إيجا ....
-(جاتو تجري و ترمات عليه) بابا أسد. .. (و باستو من خدو ) ..
-بنوتي المزيانة ... اليوم انا على ذمتك. ... نخرجك انت و امك ....
-ااه ... لا .. لا موش لازم مانحبش نخرج
-عيشك ماما ... نمشيو عيشك عيشك
-خوذ بخاطر بنتك ... و امشي البس ....
-حاضر بنوتي العسلة على خاطرك نتحمل ... (وافقت فوق من قلبها نطقتها بالسيف و للظرورة احكام )
باستها و مشات دخلت لبيتها و سكرت الباب ..
هي حلت الخزانة و جبدت دبش و باب البيت تحل بقوة تقول تخلع أصل. .. تفجعت و طيحت الدبش من يدها ...
-ا أسد! ! شبيك جيت .... أخرج حذا ريماس تخليهاش وحدها (تحكي و بكلها ترعش مالخوف)
-انا مانحبش نخليك انت وحدك ... (قربلها و عدا يدو على خدها... و هي هبطتها) ماتخافش .. جيت باش نختارلك شنوا تلبس
-نجم نختار وحدي و تو أخرج. ..
طفاها و بدا يجبد في الدبش و يشوف ... و بعد حطهملها في يديها
-حبك ربي ما تسمعش الكلام و تلبسهم
-محسوب مانيش خايفة منك (تتقوى و هي بكلها ترعش منو)
-ماتخافش مني ... اما تخاف على ريماس موش هكا ... !
-ريماس !!😨😨 شدخل ريماس ... خاف ربي .. راهي لحمك و دمك .. علاش هكا ( دموعها الي حاسبتهم هبطو )
-بالضبط ... على خاطرها من لحمي و دمي نجم نعمل حاجات تندمك علي قلتو الكل (يمسحلها في دموعها ) و تو البس ... هاني لبرا نستنا فيك ... ماتبطاش
رمالها بوسة و خرج