كرونيك: و_شاءت_الاقدار

12

🎶 الحلقة 12 🎶
نتعداو لزيد ... بعد ما كملو القراية ... خرج كالعادة يتهومل مع اصحابو و عقاب الليل روح ...ديراكت جبد الpc و حل الفايسبوك ... لوج عليها لين لقا الcompte متاعها و دخلو يشوف فيه و مصدوم ... يلقا تصويرة 😨😨😨 فيها هي و راجل و في حملتهم ريماس ... و كانت فيها تضحك و ظاهرة فرحانة علخر .... بقا حالك فمو ملي يشوف فيه
زاد بدل التصويرة تصدم أكثر ....خطبة !!! متصورة هي و راجل اما موش نفسو الي معاها ملول ... متصور معاها و حاط يدو على كتفها .. و بجنبها نفس الراجل الي متصورة معاه هو و ريماس .. و معاهم مرا ... و راجل آخر. ... ... قعد يثبت و يكذب في روحو ... طلعت مخطوبة !! و عندها طفلة ... و كل مرة متصورة مع راجل ... و خطيبها .. هاو يعرف بو الطفلة !!و عادي الحكاية فرحانين. .. مصدوم و شويا .. احساسو وقتها مايتوصفش ... سكاكن تغرست في قلبو ... خناجر أصل. .
بدل التصويرة على أمل يلقى ما يكذب الي شافو... يلقا تصويرتها مع راجل كبير و هي وقتها صغيرة .. يمكن عمرها 12 ولا 13 .. و كاتبه عليها 《 سيبقى رحيلك وجعا يمزقني و هم لا يشعرون》 و الكومنتارات 《 البركة فيك ؛ انا لله و انا اليه راجعون ؛ كان ناس ملاح. . و.... و... و....》 سكر الpc ما ينجمش يزيد يشوف شي كان ناوي يبعثلها invit يحكي معاها و يتقربلها. . اما بعد الي شافو ... طلعلو العصب و كان يلقى يهد عليها لدارها و يعطيها طريحة فماش ما يبرد شويا ...
هزو النوم و هو يخمم في الحكاية