كرونيك: و_شاءت_الاقدار

32

🎶 الحلقة 32 🎶
مهبول ياخي فجعتني شبيك
-كمل جملتك الي قصيت عليها بكري
-(غزرتلو مستغربة)اما جملة متاعك ؟؟
-وقتها نق.... !! كملها ماتخليهاش ناقصة !! تقتلني و لا تقتلها! (شدلها يديها ورا ظهرها و يعدي في يديه على شعرها)
-فاش تخرف يا ولدي !!سيبني !!شكون عندي نقتل ! سيبني رانا في الشارع
-مايهمني حد . كان انت ... (زاد قربلها و قرب وجهو منها )
-(غمضت عينيها و مكنتها الرعشة حاسة قلبها خرج من بلاصتو ) زيد ... أبعد في الشارع رانا ... كان يشوفنا حد شنوا يقول علينا
-يقول الي يحب اما تعرف كان تعملها انت الحكاية نقتلك و نقتلو (باسها من خدها و سيبها و مشا ركب في الكرهبة ... يستنا فيها باش تخلط و شي ... بقات واقفة في بلاصتها شادة قلبها و مغمضة عينيها)
-الله يهلكك يا وئام ... جيت باش نداويلك جروح قلبك حليت حرب في قلبي ااه يا ربي شنوا هالاحساس الي يمكني كي يقربلي !!
فاقت على صوتو و هي يعيطلها
-باش تروح ولا مازلت ناوية تبقى لاصقة في الحيط ... ظاهر فيها عجبتك الوضعية !!!
ماغير ما تجاوبو ركبت معاه و مشاو .
-شنوا الحكاية تو كثرلها عمر راو قاعد يلعب بيها وئام ولا شنوا ... هاذي ثاني مرة يعملها ... و ريتو انا ماقلي حد طلع موش في المستوى ... عاملة مجهودي و نقنع في وئام و في الآخر نطلع غالطة ... طاح من عيني والله
-المهم تو اومورهم راكحة انساهم و خليهم عايشين اللحظة
-ههه عايشين اللحظة ! المرة الأولى تعدات ... و هاذي الثانية هاني عديتهالو زادا ... اما مرة أخرى يشوف أحلام مايعرفهاش و موش باش نسكتلو والله ... باش يندم على النهار الي عرفني و عرفها فيه .... خط أحمر وئام ... نبه على صاحبك و فهمو كلامي راني موش نفدلك
-باهي .. اخطانا منهم تو .. هاكم راكحين. ..خليك معايا تو ... عندي كلام مهم باش نقول
-(هي سمعت كلامو و قلبها ضرب في ال1000 حاسة فما حاجة عينيه و نظرتهم سحروها ... شوشولها نبض قلبها ... و حركة بدنها الي ولا كلو يرعش ... تظاهرت انها موش متأثرة ... عدات يدها على شعرها و تكلمت )أي نسمع فيك احكي!
-( هو جا باش يتكلم و تاليفونها نوقز .. هي باش تشوف شكون و هو فكهولها ) موش وقتو تو اسمعني قبل
-باهي
-(ركح في قعدتو و كبس روحو) شوف أحلام انت كنت مخطوبة و تو ربي هز امانتو (شدها من يدها ) حبيت نقلك ... انت تعجبني ... و نحب ناخذو فرصتنا نتعرفو أكثر و تفهمو بعضنا أكثر. .. الفترة الي فاتت تقربنا ياسر من بعضنا على خاطر عمر و وئام و تو نحب نزيدو نقربو على خاطرنا احنا ... خلينا نجربو حظنا. .. نعيشو حياتنا ... كان تفاهمنا يكون باهي و كان لا ربي موش كاتب اما نبقاو أصحاب مهما يصير ... موش باش نضغط عليك ... نعرف فاجأتك. .. اما عندي ياسر نستنا في اللحظة هاذي
الي توقعتو و تخيلتو صار .. الكلام الي كانت متأكدة تسمعو قالو ... من نظرة عينيه عرفتو شنوا يحب ... قلبها قريب يخرج من صدرها ..
-(جبدت يدها من يدو و غمضت عينيها ... سكتت شويا و بعد جبدت نفس و تكلمت).. مانجم نقلك شي تو ... سامحني زيد. .. خليها على ربي و كان حاجة كاتبة تو تصير (خلاتو قاعد و قامت مشات ... هربت ... هربت من نظرة عينيه الي كان زادت ثبتت فيهم راهي خرجت الي في قلبها الكل لحظتها ... و خلي الي يصير يصير ... هربت من مشاعرها الي خايفة يجي نهار و يغلبوها و تلقا روحها استسلمتلو و عطاتو قلبها ... هربت من لمستو الي تذوبها و تفقدها سيطرتها على روحها