كرونيك: و_شاءت_الاقدار

42

🎶 الحلقة 42 🎶
على خاتر جواد يكرهو و ديما ينبه فيه يبعد عليا ... ههه و هو كل شي الا انو يبعد عليا ... أيا نزيدك حاجة اخرى هههه الإنسان إلي يقتل حد من لحمو و دمو ... ساهل يعمل أي حاجة... معاذ توفى بنفس طريقة موت جواد ... و الي قتلهم الزوز هو أسد. ... تسألني كيفاش عرفت !! نقلك هو قلي ... تحكملو السكرة ههه يفرغلي قلبو و يخنقلي قلبي انا ههه تخيل معايا انت نعيش مع مجرم ممكن انو في أي دقيقة يقتلني ولا يقتل ريماس .. و نعرف و متأكدة انو يعملها .. و هاذا الي خلاني نبعد هاذا السبب الأول. .. هربت منك على خاطرك ... هددني يقتلك انت زادا ... مهبول مريض... ... مازلت شايفني غالطة !!؟؟ قلبك برد غلو عليا شويا ولا مازال !! تنحا منك الحقد شويا ولا مازال !!! عذابك قدام عذابي شنوا يتسمى !!
-أحلام! !(صوتو مبحاح يعكس كمية الوجيعة و القهر الي داخلو )علاش ماقتليش علاش !!راو لقينا حل مع بعضنا ... علاش عملت هكا !! (جبدها ليه وحط جبينو على جبينها .. خشمو على خشمها ... صنتيمترات تفصل شفايفهم على بعضهم ... هو جا باش يبوسها و هي حطت يديها على صدرو بعدتو )
-مانجمش زيد سامحني مانجمش نخونو. .. ماتربيتش هكا !!
-(شدها من شعرها و لحظة الرومنسية الي كانت بيناتهم تقلبت صراع) هاك خنتني انا معاه !!
-(نحاتلو يدو ) ماخنتكش. .. و عمري مانخونك لا معاه ولا مع غيرو .. انا وعدتك مانكون كان ليك ... يا تملكني انت يا مانكون لحد .. و لليوم محافظة على وعدي ليك
-كيفاش انت ليا كيفاش (يصيح) و زيد !! ولدي !! ماو ولدكم! !
-لا ... موش ولدي !! زيد ولدو هو من .... أسد خاني مع خديمتي. .. هه توجع ياسر والله إحساس الخيانة صعيب برشا ... جيت نلومو عذرتو. .. عمري ماكنت مرتو و عطيتو حقوقو الزوجية ... عمري ما خليتو يمسني ديما ريماس جنبي .. حتى في بيت النوم ديما في وسطنا نخاف يستفرد بيا .. أسد هو الإنسان الوحيد الي نموت بالخوف و انا معاه .. ماتنجمش تتوقع شنوا ينجم يعمل و وقتاش ... قداش كليت ضرب منو ... طرايح موت ... نوصل نقعد في الكلينيك ب 3 و 4 أيام ههه و هاذا الكل علاش ... باش ما يمسني حد غيرك .. باش نحافظ على وعدي و ما نكون كان ليك ... عندك فكرة في ال5 سنين قداش من مرة انتحرت ... اما خسارة كاتبلي العذاب ... في كل مرة يجي سي البطل و ينقذني. .. و يرجعني للجحيم الي معيشني فيه... عنف .. ضرب ... و اغتصاب ... في كل مرة يعطيني طريحة يستنزف مني جهدي الكل اني ندافع على روحي ... للحظة نحس روحي خسرت كل شي و انا نحس فيه مقطعلي دبشي. .. و باش يغتصبني. ... و في لحظة زادا يتراجع يقلي نحبك و يخليني و يخرج ... ههه مانجمش نفهموا جملا ... عملت كل شي باش يكرهني. .. تكيفت شربت ... و منضري هاذا مانيش عاملتو محبة ... أمنيتي في الدنيا يكرهني كهو يكرهنييييي....
تراه قلي انت عذابك شنوا قدام الي عانيتو انا ... !!!
-(واقف يغزرلها متأسف عليها و على روحو و على الحاله الي وصلولها )
قصت عليهم أنغام خلوتهم هابطة مالدروج تفرك في عينيها بالنوم
-زيد صباح الخير شفما ياخي ... قمت على صياحك ... اا هاي أحلام هنا .. صباح الخير ...
-(وخرت التالي تغزرلو هو مرة أنغام مرة) باي زيد .. جيت لتونس جمعتين حماتي مريضة .. و راجعة لكندا و المرة هاذي على طول .. و سامحني مرة أخرى. . باش نخلف وعدي ليك و نكون مرتو بالحق ...
لكن ســألــونـي حبيبي إلــى مــتــى سابقى احبك...؟ و كانت إجابتي
" لآ أدري مـتـى ســوف أمــــوت"
خلاتو واقف و خرجت ..
-سمعت كل شي راو (انغام) مسكينة والله .. شنوا باش تعمل تو بعد ما سمعت منها الحقيقة
-مستحيل نخليها المرة هاذي مستحيل لازم نلقى حل !