كرونيك: و_شاءت_الاقدار

05

🎶 الحلقة 5 🎶
كانت تقضي و تحكي مع ريماس الي تبع فيها وين تمشي ...
-ماما نحب لعبة !
-حاضر يا عيون ماما ... ناخذ لبنتي باربي ...
شافت لعبة باربي ... مشات باش تمدها ما وصلتش
جا من وراها .... لصقلها علخر ... قربو ليها كهربو و رهوجو .. قربها برك حسسو بنشوة كبيرة ... احساسو وقتها مايتوصفش. .... و هي كانت أعظم منو ... انفاسو في شعرها خدروها. ... دوخوها ... مالقات ماتعمل. .. تشلت عن الحركة....... لا واحد فيهم فاهم الي يحس فيه و لا واحد فيهم نجم يبعد على لآخر
-خلي عليك مادام ... نمدهالك انا ....
وقتها دورت راسها باش تشوف شكون هالراجل الي خلى احاسيسها تتحرك بعد الجمود الي كانت عايشتو ... لقات عينيها في صدرو .. اطول منها .. هزت راسها شويا ... شافت وجهو .. عينيها وساعت .... هو نفسو ... مالا صدفة .. زعما صدفة ولا قدر !!! مقدرلهم انهم وين يمشيو يشوفو بعضهم.....
هو زادا وسع عينيه و عقد حاجبو يصطنع في الصدمة مالصدفة الغريبه الي جمعتهم بالرغم انو ماكاناش صدفة و هو يتبع فيها... الا انو نجم يمثل الصدمة ....
بعدت عليه شويا و قتلو
-أي عيشك ... تنجم تمدهالي !!!
مدها و عطاهالها : - تفضل
-عيشك ......
و سكتو الزوز يغزرو لبعضهم ... هو سارح في عينيها الي سحروه من أول نظرة و هي تثبت فيه كيفاش يغزرلها ... نظرتو تسحر عينيه فيهم لمعة شافتها قبل ... .. كان يغزرلها و يثبت في أدق تفاصيلها ... ألي خلاها تحشم و تهبط راسها ...
كي حس الي هو كثرلها. ... كسر السكوت الي كان بيناتهم
- غريبة هالدنيا. ... جمعتنا 3 مرات في مواقف مختلفة ..... اما محلاها صدفة 💞💞💞 و تبسم تبسيمة هزتها لعالم آخر و سرحت فيه شوية ... و بعد تفكرت وضعها .... و حياتها ... حياتها الي هي موش حياتها ... ملك ناس آخرين. .. هي عايشة ليهم ...
الإنسانة الوحيدة الي ممكن أنها تحس بيها و تفهمها رغم برائتها و جهلها للدنيا و همومها و مشاكلها هي ريماس بنتها .. ألي هي اصلا ماتعرفش كيفاش الدنيا ردتها أم رغم صغر سنها ...
اصلا ساعات تحس روحها عايشة طفولتها و هي عمرها 19 سنة 😨😨😨😨
19 سنة تتسمى كبيرة على أنها تكون كيف ريماس و في نفس الوقت صغيرة على أنها تكون أم. ... اما ربي حب حياتها تكون هكا .. و لا اعتراض على ما كتبه الله ... قابله وضعها و الجحيم الي عايشة فيه
... في لحظة تعدى شريط حياتها و معاناتها بين عينيها ... ... و تفكرت الي قدامها انسان يحكي معاها ....
-ااه ... ايه ... صدفة ... ح حلوا .....
- زيد ... انا اسمي زيد .... (و مد يدو باش يسلم عليها)
ترددت شويا و بعد مدتلو يدها
-ا أحلام
-نتشرفو مادام أحلام (و نزل على كلمة مادام بغزول)
-و بيك اكثر ..... هاذي بن....... و تلفتت باش تعرفو على ريماس ... وجها صفار و زراق و مشا ألوان و جا ألوان. ..
-ريمااااس..... (تدور بعينيها و تنادي بصوت عالي شويا هي طبعها هادي و صوتها أهدى حتى كي تصيح ما يتسماش صياح) ...
هو كي رآها مفجوعة كاك تفجع معاها ... كايني بنتو الي مالقاهاش .... ..
خلاتو و خلات ساكها و قضيتها و مشات تلوج و تنادي و هو كيف كيف ...
و الحمد لله لقاتها ... كيف كان زيد يعاون فيها و يحكيو .. هي بعدت شويا .. تلقى مرا و معاها صغارها .. قعدت تلعب معاهم ...
-ريماس. . موش قتلك ماعادش تبعد عليا و تمشي ماغير ماتشاورني.. (تحكي معاها و محملتها و تبكي )
-نلعب ماما
-عيش ماما نخاف عليك انا ... ماعادش تعاودها. ...
-باهي ماما
باستها و حملتها ... دارت تلقاه يتفرج فيهم و متأثر قريب يبكي .... مشالها
-فيبالك ماما تفجعت عليك برشا ..! (يكلم فيها و يقرصلها في خدودها )
-ماما شكون هاذا !!
-عمو زيد هاذا ... يقرأ مع ماما ....
- أي انا و ماما نقراو مع بعضنا
و قص عليهم صوت تاليفونها .... مشات هزت ....
-الو .!!
-..........
-باهي ... نحاسب القضية و نجي ... استناني غادي ...!!
-........
-باهي مانبطاش. .. بااهي ...
-.. ......
-باي
-سامحني زيد لازم نمشي. ... معرفة طيبة .... خلاتو و مشات ....
الفضول كلاه ... يحب يعرف شكون يستنا فيها ... قعد يراقب فيها من بعيد ... خلصت و خرجت ... مشات شويا .... حلت باب كرهبة ... حطت القضية من تالي .... و ركبت مالقدام. .. و الكرهبة مشات
فيسع ركب في كرهبتو و تبعها ... يحب يعرف مع شكون ركبت و وين ماشين !!!!