كرونيك: و_شاءت_الاقدار

8&9

🎶 الحلقة 8&9🎶

-ههههه والله تعرفني مهبولة و كان ركبتلي في مخي نعملها 😂
أ-أيا وئام اسكت خلينا نكملو
كملو البقيه عرفوا رواحهم خليل ، عمر ،مريم و زينب
حبوا بعضهم الكل و ولاو اصحاب ... كونوا شلة هوما ال7 و تفاهمنا يوليو كل شي مع بعضهم .. خرجات .. قراية ....
و تعدا النهار ضحك و جو و بعد كملو القراية و كل واحد روح لدارو
أحلام روحت رتاحت شويا ... و بعد بدلت دبشها و دخلت لبيت مخصصتها لل dance .... حطت الغنا و بدأت. ... و بما انها هوايتها. .. انسجمت مع الغناية و الحركات تتفنن فيهم و متأثرة
لين وفات الغناية و هي كملت ... وقفت ترد في النفس و مغمضة عينيها .... و على حلتها 😨😨😨😨😨😨 تلقاه واقف قدامها متكي عالباب مكتف يديه و ساق فوق ساق .... جمدت في بلاصتها ... تغزرلو كيفاش واقف مبرد دمو و ماتحركتلو حتى شعرة
و بعد شويا فاقت على روحها و هي تغزرلو كيفاش يشوف فيها و يقيس فيها مالفوق للوطا ماغير ما يهبط عينيه .. وقتها تفكرت الي هي شبه عريانة قدامو لابسة توب و شورت طولو شبر .... لا اراديا حلت شعرها ... هبط على كتفها سترها شويا و أول حاجة جات قدامها ... رماتها على بدنها
- هااي شتعمل هنا !! و من وقتاش واقف تتفرج فيا !!و كيفاش دخلت اصلا! !.. أخرج أخرج تو ... تحكي و تدز فيه و هو كي الحيط ما تحركش
-بشويا أسأل. .. نجاوبك بالسؤال! ... باهي ... (يحكي و يقدم و هي توخر ) أولا نتفرج عليك عندي برشا مانعرفش من وقتاش ... ثانيا ... اليوم الاثنين يعني اول الاسبوع و انا شخصيا جبتلك قضية العادة و بالنسبة لكيفاش دخلت موش باش تصعب عليا ..
كمل كلامو حصرها مع الحيط و حاوطها بيديه
و هي ولات ترعش مالخوف
-ش..شتعمل أبعد أمان 😢
-أششت ماتخافش ... (هزلها خصلة من شعرها يشم فيها ) اممم محلااك 😍😍 هبط بيديه ... هبطلها الfoulard الي كانت مغطية بيها روحها .. و قعد يعدي في يديه على زندها و هابط لفخذها. . و هي تدز فيه و تبكي
-سيبني .. امان ... حرام عليك الي تعمل فيه .. والله حرام. .. كان يسمع م.....
قص عليها بصياح و ظاهر تنرفز
- سي الط*** متاعك الي كل مرة تهدد فيا بيه قتلك الف مرة موش خايف منو ... و نعرفك ما تعملهاش و تقلو ... لذا خليني عايش اللحظة خير مانتقلب عليك تو و نولي عبد آخر. ... و أنا مانحبش نضرك ... ( حط جبينو على جبينها .. و باقي يلعبلها بشعرها )
قوات في بكيتها. .
-أمان أبعد ... سيبني .. أخرج برأس ريماس سيبني 😭😭😭😭😭
بعد عليها و يصيح
-باهي يا أحلام. .. باهي ... هاني سيبتك. .. اما حط في بالك الي انا نحبك ... و مادامني نحبك موش مفرط فيك
خلاها في القاعة تبكي و خرج و سكر الباب بالقوي قريب يكسرو
قعدت في القاعة تبكي على حياتها و المعاناة الي عايشة فيها ... رغم صغر سنها ... عاشت أصعب حاجات ممكن يتخيلهم البشر.... عمرها ما اختارت حاجة في حياتها .. كل شي مفروض عليها. .. و لازمها تقبل و تسكت