وأنت بتقرأ في #المصحف.. لازم تشوف السورة إللي بتقرأها مكيّة ولا مدنية..
ده هيفرق في إيه؟
هيفرق في كل حاجة..
الشيخ الشعراوي كان بيقول إن تمييز السور مكية أو مدنية يعتبر نصف التدبّر..
إزاي يعني؟
السور المكية بتتكلم عن العقيدة.. معظمها شرح لمقاصد الدين في العموم.. مفارقة بين الشرك والتوحيد.. فيها شروح لمشاهد من يـوم القيـامة.. فيها نظرة الله للقلوب وللصدور وللنوايا وشرح لصفات الله وقدراته .. فيها ملخص وموجز ما جاء به الإسلام كرسالة خاتمة لما قبله..
المخاطَب في السور المكية مُشر/كين.. كُـ/ـفار.. نصارىٰ..
أما السور المدنية فبتتكلّم عن أحكام.. معظمها شرح لتفاصيل ومعالم وطرق العبادات.. مفارقة بين الإسلام والإيمان والإحسان والإخلاص.. مشاهد من عصيان الأمم السابقة وموجز الخطايا إللي وقع فيها أهل القرى وبنو اسر|ئيل.. بحيث إننا نتعظ.. ونتأسّى بالنبي ﷺ.. ونعبد كما أمرنا الله
المُخاطَب في السور المدنية مُنافقين..
طيب وده هيفرق في إيه مع القارئ العادي؟
أولا..
تعرف الظروف الزمانية والمكانية لنزول الآيات.. فتبقى مستحضر الحالة والموقف عشان تفهم سياق الآيات.. ليه ربنا اتكلم عن عذاب أو اتكلم عن مغفرة.. أو شدّد التحذير أو الترغيب..
ثانياً..
تفرق بين آيات الأحكام وآيات العبادات وآيات النهي.. تفرق بين لا تقربوا الصلاة وأنتم سُكارى وبين (يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ).. تفرّق بين وسارعوا إلى مغفرة من ربكم وبين ويحذركم الله نفسه أو إن عذابي هو العذاب الأليم..
ثالثاً..
تدبّر معاني القرآن بيحتاج انك تفهم التسلسل إللي نزلت بيه الآيات.. مش تسلسل زمني قد ما هو تسلسل نفسي.. يعني الحالة اللي بتتملكك وأنت بتقرأ سورة طه المكية .. مختلفة تماما عن حالة سورة التوبة أو النور أو الرعد.. وكلها سور مدنية..
آخر نقطة..
أنت عايز إيه من القرآن؟
كل سورة في القرآن هي جزء من منهج دنيوي..
مينفعش تبدأ المنهج من الآخر..
سورة النساء مثلاً من أوائل السور عشان فيها معظم أحكام الزواج وحقوق النساء المكتسبة بعد نزول الوحي..
عكس سورة الطلاق إللي هي من أواخر السور..
فنصيحة يعني.. متفتحش المصحف على أي حاجة ويبقى كله بالنسبالك واجب وبتقضيه..
تدبّر القرآن ومحاولة فهم معانيه بيخلي عندك بصيرة وفهم لأشياء مكنش عندك تفسير ليها قبل كده..
أقرأ القرآن بنية التائه الذي يرجو الهُدى.. ♥️♥️
