وصل للمستشفى وهو يركض مثل المجنون .. لدرجة انه يصدم
في اشخاص عصبوا منه .. وهو يصدمهم ..
أكيد ان اللي صار لها امس شي قوي .. مايمشي علي كذبتس
ياشويخان .. مخليتس على كيفي يالكذوب
حس بالغبن والقهر وهو يسمع من ابو عبدالعزيز انها فقدت الجنين
وانها في غرفة العمليات يسوون لها تنظيف
غمض عيونه بقهر .. ورفع راسه للسماء .. وفتح عينه بسرعه
وضرب الجدار بقوه .. خايف انه يرتكب فيها جريمه .. هالإنسانه
فقدته صوابه
ابو عبدالعزيز مسكه بقوه وهو يهديه - صقر اهدى اللي تسويه
ماهب زين .. الله يعوضكم بغيره
بيت ابومحمد \ الدور الثاني .. جناح صقر
جالسه وسرحانه .. يوم طلعت هند من الحمام .. وماصدقت
يوم شافتها وفرحت - صحيتي
هزت راسها وعيونها تناظر الفراغ
هند قربت منها وحبت كتفها وجلست جنبها - الحمدالله على سلامتس
صبيتي قلبي عليتس
ناظرتها هند .. بس واضح ان ساره ماهب معها - ساره فيتس شي
ساره اللي نزلت دمعتها .. وماقدرت تخبي أكثر .. وماتنفجر
حطت راسها على كتف هند وبكت
هند ارتاعت وبدت تدمع عيونها - ساره وش فيتس أمانه لاتبكين
ساره وهي تشهق - ليش تركنا مكانا وجينا هنا هند ابي ارجع هناك
ماابي احد هنا أنا ا ا انا تعبانه بالحيل بالحيل ياأختي
هند ضمتها بقوه - ساره حد قايلتس شي حد مسوي لتس شي
عمي وش يبي فيتس ويخليتس تفقدين وعيتس كذا وتبكين
ساره اصدمتها وهي تقول - فيه واحد خطبني .. وعمي حلف على
نايف ياخذني
هند اشهقت وفكتها عنها وناظرت فيها وابتسمت - وكل هالدموع من
فرحتس عشان نايف خطبتس ( ضحكت ) اكيد اغمى عليتس لانتس
ماصدقتي .. مسكينه ياأختي
مستحيل أحد يفهمها .. ويحس بالنار اللي شابه بين ضلوعها .. إنسان
تتمنى موته على يدينها .. إنسان تشتهي شوف الشيطان ولاتشوف وجهه
إنسان حطم كل حلم تحلم فيه وتبيه .. فقدها أعز ماتملك .. ورماها رمية
حد حقير في دربه .. وليته إكتفى بهالشي .. لا تعدى هالشي وحطم حتى
أنت تقرأ
لا صدّ قلبي صد من دون رجعة
Romanceبطلب من بعض الاصدقاء، قررت أن اكمل هذه الروايه من بارت 38 بعد أن توقفت صاحبة الحساب القديم عن اكمال هذه الروايه، من لم يقرأ الأجزاء الاولى من الروايه، يعود للحساب (@almeth2)
