بيت ضاحي بن فهيد \ قبل الإتصال بساعات
مشت للملحق قبل تطلع من البيت وقبل يشيلون جثة الجد ضاحي
دقت الباب وهي تعكز بعصاها .. انفتح وطل بوجهها شيخه
شافت شيخه وجهه جدتها الحزين .. وعيونها اللي توضح كبر
الإلم اللي تشيله
مسكت يد شيخه وناظرت في يدها – بيحي جدتس اللي ودع
انلفع وجهه شيخه ونزلت راسها مصدومه وقالت بحزن – ودع
الجده رفعت راسها وناظرتها – ايه جدتس ودع
كملت – اعرف ماتقوين هالخبر .. واعرف ان كل اللي قلتيه قبل
يموت ورى قلبتس ( ضمتها شيخه وهي منلفع وجهها ) الموت حق
بس ماتمنيت تقولين اللي قلتيه له وهو يطلب البيحه منتسن
( وشيخه حاضنتها وساكته )
كملت الجده – انتي اقوى خواتس بس اقرب لقلبي .. ماهب شي
بس فيتس تصميم وعناد ابوتس .. توقعتس ماتسامحين لنتس
ذقتي الضيم وانا امتس .. بس انا ذقته اقوى منتس .. احرموني
ولدي وبناته .. جدتس همس في إذني قبل يموت يبيتس تبيحينه
قبل يوضع في التراب .. بيحيه وريحيه ( حست ان شيخه مالها
صوت )
فكتها وتفأجات في شكل الدموع اللي تصب من عينها – الله يبيحه
الله يبيحه ( ودخلت بسرعه داخل )
لحقتها جدتها وشافتها جلست على السرير وهي تبكي
ماتوقعته يموت .. ابد .. كل اللي قلته والحكي .. كان برد خاطر
انا شفته وهو يصارع الموت بس ماتوقعته يموت بهالسرعه
اوجعته مثل ماأوجع ابوي .. ابوي اللي عاش طول عمره يتمنى
يحب على يد ابوه وامه
قبل عشر سنين \ يوم العيد
لبست فستانها وزينت شعرها .. وهي صاحيه قبل خواتها .. بتروح
العيد مع ابوها وامها .. ووضحى تقعد في البيت مع خواتها
طلعت من الغرفه .. سمعت صوت في المطبخ .. بسرعه راحت
له وشافت امها تسوي القهوه والفطور
تركتها .. وراحت تدور على ابوها .. اتجهت لغرفتهم .. افتحت
الباب وانصدمت
يشم بشت رجال ويبكي .. ناظرت بصدمه .. ابوها رفع عينه وشافها
حط البشت جنبه ومسح دموعها وناداها – تعالي
اقربت من ابوها وهي تحس بوجعه ودموعه .. حبت راسه
أنت تقرأ
لا صدّ قلبي صد من دون رجعة
Romanceبطلب من بعض الاصدقاء، قررت أن اكمل هذه الروايه من بارت 38 بعد أن توقفت صاحبة الحساب القديم عن اكمال هذه الروايه، من لم يقرأ الأجزاء الاولى من الروايه، يعود للحساب (@almeth2)
