الدمام
احس اني جالسه ومخنوقه .. فيني ملل ذابحني .. اففففففففف
قلتها وانا انسدح على ظهري في السرير .. حاولت ارقد بس
مافيني نوم سمعت صوت بطني .. الجوع ذابحني
حسيت دمعتي بتنزل بس قويت نفسي .. حاولت اوقف ادور حل
بس حسيت بدوخه في راسي .. رجعت انسدح وماسكه راسي بقوه
مدري كم مر من الوقت وهو يحط أكياس في الصاله .. من جوعي
دعيت ربي انه يكون غداء .. لاني شارفت على النهايه
ماسمعت له صوت .. اظاهر انه ذلف .. هالمره وقفت بقوه
وماسكه راسي .. وشعري متناثر على كتوفي بدون ترتيب
شفت الباب فاتح وفيه أكل على الطاوله .. بسرعه مشيت
للطاوله .. اناظر اللي داخلها .. اممممممممم احس الريحه
اخترقت خشمي .. اظاهر انه مندي .. نعنبو وجهه قلت
هالشي يوم ماشفت الإكل إلا لنفر واحد .. فكرت معقوله
يكون لي وهو زرط في المطعم .. سمعت باب جناحه يوم سكره
بسرعه ابتعدت عن الإكياس .. وشفت لي مجله على الطاوله
عند الكنبه .. اخذتها واتصفحها .. وانا مدري وش فيها .. اهم
شي يقول هالغداء لتس ويذلف عشان أكل براحتي
انفتح الباب .. حسيته دخل لانه سكر الباب .. بس ماألتفت عليه
ابد .. وكنت منزله راسي اناظر الحروف .. وأكذب ان قلت فاهمه
كلمه وحده
بنبره كريهه – اللي يشوفتس يقول ميته من الثقافه
ألتفت ناظرته وانا أبغض وجهه .. صديت ودخلت الغرفه
ياليت لها باب كان اقفله في وجهه يوم لحقني – يعني بتسوين
ماشفتي الغداء وتبين عزيمه
ناظرت فيه – اطلع برى
مط عيونه منصدم من كلامي .. بس مدري ليش طلع وهو ساكت
معقوله بيأخذ الغداء وأموت بجوعي .. بسرعه طلعت وراه
وفعلا مثل ماتوقعت – اذلففففففففففففففف اكررررررررهك
أخذ غداءه وقال – موتي بجوعتس الشرهه على اللي متذكرتس
ولا انتي وحده بايعه نفسها ( وقال كلمه ذبحتني ) فتاة هواء
وطلع مسكر الباب بقوه .. مطيت عيوني .. وواقفه ربع ساعه
استوعب الكلمه اللي قالها .. احس اني بنهاااااااااااااااار
مطيت شعري بيديني .. وبكيت بأعلى صوتي .. وكل شوي كلمته
تنعاد علي ( فتاة هواء .. فتاااااة هواء ... فتـــــــــــــــــــــاة هواء)
أنت تقرأ
لا صدّ قلبي صد من دون رجعة
Romanceبطلب من بعض الاصدقاء، قررت أن اكمل هذه الروايه من بارت 38 بعد أن توقفت صاحبة الحساب القديم عن اكمال هذه الروايه، من لم يقرأ الأجزاء الاولى من الروايه، يعود للحساب (@almeth2)
