بيت سعد بن ضاحي \ الصاله
جالسه جنب جدتي واناظر هالعمشاء بنص عين .. اظاهر من دخلت
بيتهم وهي ماهب طايقتني .. وكله طاري في وضحى لازم تتنهد
ودي ارد عليها رد محترم .. بس ساكته غصب عشان عمي اللي
واضح انه فرحان فيني .. وفي ريم
قالت لي ريم - هند بتروحين معي
ناظرت فيها - وين !!
قالت لي - بروح للسوق
رديت بالرفض وانا اناظر جدتي .. ماهب زين في حقها .. طالبتني
واطلع واتركها
شكرتها بطريقه محترمه وسكتنا
قالت عمشاء - متى بيجي سعد ( موجهه هالكلام لريم )
قالت ريم - يقول بيجي بكره
حسيت بالملل عندهم .. اففف اشتقت لجو خواتي .. اول مره انفصل
عنهم .. واصير انا اللي اروح عنهم
ناظرت في جدتي .. واضح انها ماتحتاجني .. بس ليش طالبتني
اجلس عندها
ناظرت في نايف .. بلاحول مني ولا قوه .. بنت عمه كارهته
وماتنلام .. ماخليت عليها ياولدي شي
مسحت دموعي .. وانا أفكر في حل لبنات أخوي .. تعبن في
حياتهن كثير .. واللي تعبت فيهن ساره .. اللي مدري كيف
بتعيش عقب مايطلقون
جلست على الكراسي برى .. يوم اقبل علي فارس وجلس
جنبي - ليش جالس هنا ياأبوي
ناظرته بتعب وحال هده السنين - اخوك معطينه مهدئ وراقد
ناظر فيني بإستغراب - ليش شصاير
مسحت على وجهي بتعب - بنت عمك معاد تبيه
انصدم فارس - وش هو .. ساره تبي الطلاق !!
هزيت راسي له - شر علي ياولدي .. شر علي وش اسوي لبنات
عمك .. انت اصغرهم بس افهمهم واعقلهم .. وتعرف كل شي
بنات عمك أمانه .. وانا شايب هدني المرض والتعب .. لو مت
من بيراعهن عقبي .. وعمك كاف مسؤوليته منهن .. ولاني بمتكل
عليه .. اخوي واعرفه قلبه جفس وقاسي .. همه بس عياله
ناظر فارس في ابوه - عمرك طويل ياأبوم محمد
نزلت راسي للأرض بتعب - والموت حق .. قلبي معاد بهو صويحي
والله اني كل ماقمت من مخدتي اعرف انه انكتب لي يومٍ جديد
سكت فارس فتره
رفع عينه - يبه لو أخطب منك هند بتوافق
رفعت عيني له منصدم .. وش يقول هالولد
أنت تقرأ
لا صدّ قلبي صد من دون رجعة
Romanceبطلب من بعض الاصدقاء، قررت أن اكمل هذه الروايه من بارت 38 بعد أن توقفت صاحبة الحساب القديم عن اكمال هذه الروايه، من لم يقرأ الأجزاء الاولى من الروايه، يعود للحساب (@almeth2)
