🔷 الجزء 8 🔷
🔰 القدر 🔰
♾فاطمة الزهراء مبارك♾
خرجات قدر جلسات حداه و كتشوف فيه و هو حاني راسو كي قرا كيف عادتو
قدر:بابا
مصطفى(هز راسو فيها):نعام ا بنتي
قدر:هذه عمي عصام هو لي كان عندو ولدو ازاد ياك ولا انا غالطة
مصطفى(ضحك):اه هو مكانش كي تفارق عليك نهائيا من نهار تزاديتي هو لي هزك اول مرة حتى قالت مك الله يرحمها قدر لازاد و ازاد لقدر علاش كتسولي
قدر(توردو خدودها):غير فضول و صافي انا نوض نوجد العشاء على ما دخل انصاف
مصطفى:سيري الله يرضي عليك
دخلت بدلات حوايجها و خرجات قلبها كي ضرب في تسعين دازت 14 سنة و هي كتمنى يرجع تشوفو كور مدة 10 سنين و هو كي صيفط ليها كادوات في عيد ميلادها في هذه 4 سنين الأخيرة مصيفطش شنو عيكون كيدير دابا و حتى شكل ديالو كيفاش تكون بتسمات بحب و كملات نصيب طاجين جات انصاف و قالت ليها بلي عيجيو عندهم ضياف غدا فرحات لفرحة ختها حيت باين عليها و خارجة من عينيها
حطو لعشا تعشاو و علمهم غدا يديرو شي حاجة تليق بالعرضة بتاسم و ناضو دخلو لبيت بكثرة الفرحة مجاش نعاس لقدر ناضت عند انصاف و جلسات عند راسها
انصاف(خلات ليها بلاصة):تخشاي حدايا متبقايش جالسة معنگزة
قدر(فرنسات و تخشات حداها):عرفتي شكون عيجي مع عمي عصام غدا
انصاف:شكون
قدر(عضات على شفايفها بحرج):ازاد
انصاف(تقادات معاها):بصح فرحانة
قدر:فرحانة و مخلوعة كيفاش عيكون بعد هذه المدة كاملة تبدل ياك
انصاف(ضحكات على ختها):بلاتي نفكر اممم عيكون كبر و زيان وتبوگص
قدر:زعمة نعجبو و انا كبيرة
انصاف:علاش لي متعجبيه
قدر:معرفتش هو عيكون شاف بزاف البنات تما زوينات عليا
انصاف:دابا تشوفي عطيحيه على زنافرو يالله نعسي غدا عندنا الخدمة بزااف
بتاسمات و شافت في الصقف و كتسنا غدا يجي باش تلاقا مع لي ملك قلبها هذه 14 السنة
أنت تقرأ
🔥 قدر ازاد 🔥 ( بالدارجة المغربية ) تيما مبارك
Hành động🔥🔥 حصريا 🔥🔥 #يـــــــــــــــــــــــحلل_النشر_بعد_الطلب_الادن_مني قراو لتحت👇👇👇 🌼🌼 🍀السلام البنااتي جوهراتي اميراتي حبوباتي متتبعاتي الوفيات جيت ماجيتش بيديا خاويين جيت نشارك معاكم قصة من القصص القصار لي كتبت من بعد قصة #حي_تيتيز لي نالت...
