🔥 قدر ازاد 🔥 ( بالدارجة المغربية ) تيما مبارك

🔷 الجزء 11 🔷 🔰 القدر 🔰 ♾فاطمة الزهراء مبارك♾

🔷 الجزء 11 🔷

🔰 القدر 🔰

♾فاطمة الزهراء مبارك♾

سمعات صوني مشات قدر هذه المرة فتحات مع الهزة لي عتهز راسها كتشوفو واقف قدامها قلبها تسارع في دقاتو و رجليها بغاو يخويو بيها احساس جديد نتابها احساس حب طفولة رجع ليها بتسمات بلا شعور و هي كتشوف فيه بسرعة خدودها توردو و الرعشة طلعات معاها اما هو كان كي تسنا هناء توصل عليه و مكلفش رسو يشوف فيها تفكر هضرة الام ديالو عليها هو يشوف طلعها و هبطها و نضرة ليها مفهماتهاش نهائيا

هناء وصلات عليه و شدات في يديه شي لي ردات ليه قدر البال كانت متوقعة حاجة اخرا كيفاش عتلاقاه لكن دبا لا هدم ليها كلشي خصوصا هضرة هناء لي صافي برد ليها الما في ركابي

هناء:اووف حبيبي ازاد هدو مديرينش حتى سانسور يخ على عيشة
ازاد(بتاسم و شاف في قدر باش يوريها قدرها):هذه هي سكنة ناس لي مفحالهمش احبيبتي وخا يعياو يطلعو معيقدوش يوصلو لي باغيين
هناء:ييخ عيشة مكرفصة
(شافت في قدر خرجات عينيها و متقصدة هضرتها): داعشة هذه حيدي حيدي من قدامي جبتي ليا الخنقة

ازاد بتاسم و دخل شاد في يد هناء ضد في باه سلم عليهم سلام ناقص و خلا قدر واقفة في الباب كتستوعب هذه الدرامة لي دازت قدام عينيها هبطات دمعة منهم مسحاتها و دخلت عندهم شافت في باها و بتسمات تسناتو حتى كمل سلامو عليهم عاد غوتات ليه

قدر:بابا

الكل شاف ليها و صوتها الحنين لي سمع خلاه يدور يشوف فيها و شي حاجة في داخل ديالو كتقول ليه راك كتعرفها ولكن كي كدب حدسو

مصطفى:نعام ا بنتي
قدر؛دقيقة عافاك
مصطفى(ضحكة خارجة من ودنيه مع خوه لي 14 العام ما شافو غير تيلي):اه ا بنتي مرحبا

ناض معاها البيت و شافت فيه :بابا سمر بغاتني نمشي عندها مها تزاد عليها الحال و معندها حتى واحد من غيري واخا

مصطفى: ولكن ا بنتي ضياف عندنا

قدر(شوية و عتخرج ليها البكية قدامو): مبغيتش نخليها بوحدنا عافاك ا بابا

مصطفى(سكت كي فكر في الاخر بتاسم): انصاف كاينة سيري ا بنتي
قدر(باست يديه):الله يخليك تاج فوق راسنا

خرج و هي دارت هزات البيسي ديالها دارتو في ساك و تيلي و لفلوس خرجات من تما الصالة سلمات عليهم بزربة يدون ما تشوف فيهم و خرجات هاربة منهم

مبغياش تجلس حداهم نهائيا تحت استغراب الكل حتى شرح ليها مصطفى كلشي لكن واحد 3 الناس لي فهمو و عرفو شنو كاين عصام و اركان و انصاف لي فهمات ختها انها تجرحات خصوصا من ازاد حيت هي لي كانت كتشوف عينيها فرحانين منين عرفات عيجي لكن منين شافت معاه هذه البنت و تصرف معاها ببرودة فهمات لبلان كاااااامل