🔥 قدر ازاد 🔥 ( بالدارجة المغربية ) تيما مبارك

🔷 الجزء 14 🔷 🔰 القدر 🔰 ♾فاطمة الزهراء مبارك♾

🔷 الجزء 14 🔷

🔰 القدر 🔰

♾فاطمة الزهراء مبارك♾

صباح صباح جديد

قدر ناضت و سلمات على سمر و مها و مشات لدار لقات انصاف و باها مشاو الخدمة حيدات حوايجها و مشات صيبات ليها ما تاكل و رجعات جلسات على الرواية ديالها لي كملاتها بقات ليها غير الخاتمة باش دفعها لدار نشر لي تبنات قصتها و عجباتها الموضوع حيت قصة حقيقة مع توقيع المعني بالأمر لي وافق انه تكتب قصتو

ميلات راسها حتى كتشوف الباب تفتح و دخلات انصاف بتسمات ليها

انصاف:على سلامة
قدر(بصوت مبحوح بالكاد خارج):الله يسلمك
انصاف(خلعاتها):اويلي مالكي
قدر(بحة):والو متشغليش بالك
انصاف:لا لا انت حالك معجبنيش من لبارح
قدر؛عافاك اختي صافي

انصاف(عنقاتها كدوز على ضهرها حنان الاخت مكتعوضش):عينيك منفوخين بالبكا و صوتك بح احبيبتي راني حاسة بيك

تفتح الباب و دخل مصطفى زربان شاف في لبنات لقاهم معانقين ستغرب

مصطفى؛مالكم
انصاف:والو معانقين انا و فنكوشة الدار
مصطفى؛الله يدومها محبة كيف كنشوفكم هكدا قلبي كي فرح

قدر و انصاف:امين

مصطفى:يالله نوضو لبسو حوايجكم دبا راه معروضين نوضو
انصاف:فين
مصطفى:في طريق نقول ليكم يالله
قدر(بصوت مبحوح):غير خليني مفيا لي يمشي شي بلاصة
مصطفى (قرب عندها):بنتي مالكي مال صوتك
قدر(ببتسامة):ضربني الريح غديا نولي مزيان متخافش
مصطفى:واخا يالله طلقو راسكم

ناضو لبنات سمعو كلام الاب دياهم و لبسو حوايجهم هزو صاك ديالهم و نزلو معاه كان اركان تما عرفو لبنات فين غادين قدر غادا و قلبها كي ضرب سلمو عليه و طلعو ديمارا و هو كي ضحك معاهم الا قدر كتشوف في الشرجم ممصوقاش ليهم همها غير في راسها

وصلو لفيلا نزلو و دخلو اشراق بسلام الناقص ديالها سلمات لكن مداوهاش فيها دخلو بتسمات قدر لعصام و باست يديه احتراما ليه و دورات راسها كان كي شوف فيها بنضرات نارية كون كانو قرطاس كانو قتلوها لكن مدتهاش فيه من طبعها ان الواحد الا هانها في الاول متطوفش بيه و تبعد من ساحتو

جلسو و بعد سؤال عن الحال و الاحوال ناضو لطبلة لي كانت عامرة بالماكلة لكن ستأدنو اشراق و هناء غمزو ازاد لي معرف اش كي طبخو ناض تبعهم

قدر سولات على الحمام تغسل يديها و راوه ليها في الطابق التاني ناضن طالعة و من صدفة غلطات في الباب وقفات في بلاصتها من شي لي دخل لقلبها بموس خافي خافت و رجعات لبلاتها تجلس و وجها مخطوف