🔥 قدر ازاد 🔥 ( بالدارجة المغربية ) تيما مبارك

🔷 الجزء 24 🔷 🔰 القدر 🔰 ♾فاطمة الزهراء مبارك♾

🔷 الجزء 24 🔷

🔰 القدر 🔰

♾فاطمة الزهراء مبارك♾

منين رجع من الدوار عارف انه صافي خصرها مشا الفيلا ديالهم و دخل ليها شاف لي كان تما كامل و بلا شعور بدا كي هرس اي حاجة جات قدامو و كلامها كي دور في دماغ صافي مشات كرهاتو و هذه الشي بسبابو مقدرش يستحمل القاهرة لي حاس بيها طلع البيتو و عينيه نقطة من الدم شاف قدامو المدكرات لي كان كي كتب جلس على الارض و هزهم كي شوف فيهم و طاحت دمعة من عينيه

تمنى يرجع الزمان لور و يتقرب منها بدل ما يهينها و يدلها و يخلي دموع تطيح من عينيها ناض وقف و شاف في المراية ضربها بيديه و خرج بحالو كسيرا نيشان البار دخل ليه و يديه كتنزف خدا بلاصة جلس فيها و بقا كي شرب بلا عقل حتى كي وقف عليه اركان

ازاد(لاعب عليه الشراب)؛توحشتي خوك
اركان:ازاد صاحبي نوض
ازاد:علاش
اركان: هذه الحالة لي انت فيها واش حمق باغي تقتل راسك
ازاد(ضحك):معمري شربت على شي وحدة ياك
اركان:ازاد نوض
ازاد:لكن انا شربت على قبلها والله حتى ندمان و بزاف ندمت و باغيها ا خويا قول ليها تجي والله ما نقلقها غير ترجع لحبيبها
اركان(بقا فيه خوه):نوض ا خويا
ازاد:عتجيب ليا قدري ياك
اركان؛واخا عنجيبها غير نوض

ازاد(ناض معاه و رجليه كي لعبو مشادش راسو):منين تمشي تجيبها قول ليها انه سلا مع هناء على قبلك مبقاش معاها هو غير كان مولفها و انا كنت فاقد الداكرة معاقل على الو

اركان(حل لوطو و ركبو):واخا ا خويا
ازاد:عرفتي كنحس بالعافية شاعلة ليا في قلبي هنااا
(كي شير لقلبو)؛مكايناش لي طفيها من غيرها ا خويا
اركان:كنواعدك عنجيبها حتى العندك

ديمارا و كسيرا البارطمة ديالو مشي الفيلا طلعو ليها و دخلو الحمام غسل ليه راسو باش يصحصح داوى ليه يديه لي كتنزف خلاه و مشا دار ليه قهوة يشربها باش يفيق

اركان:هاك شرب
ازاد(خداه من عندو):راسي ضارني
اركان:نعس و رتاح
ازاد:نرتاح منين عنرتاح
اركان:من تفكير جدي جا معانا و حلف قدر لغيرك ما تكون ا خويا
ازاد:معتقبلش
اركان:حتى انت حاول معاها راه كلمة زوينة مع البنت كدوب ليك بين يديك و زيدون قدر غير معصبة منك دابا تبرد
ازاد :خرج بغيت ننعس

خرج و بقا هو كي شوف في الصقف مداهش النعاس نهائيا