🔥 قدر ازاد 🔥 ( بالدارجة المغربية ) تيما مبارك

🔷 الجزء 17 🔷 🔰 القدر 🔰 ♾فاطمة الزهراء مبارك♾

🔷 الجزء 17 🔷

🔰 القدر 🔰

♾فاطمة الزهراء مبارك♾

شافت فيهم كاملين و بعد ما فكرات مزيان و نطقات بلا ما تفكر في حتى واحد حيت مصلاحتها هي الاهم

قدر:لا لا لا مبغيتش هذه الزواج

(شافت في عمها و باها فجراتها ليهم في الوجه و دموعها دازو):سمحو ليا بزاااف لكن انا معنقبلش بواحد مسيراه مو و عندو شكون لي تزوجو ليه معنتزوجش واحد لي كتقول ليه مو دير خاطر لباك و جيبها ليا عنديرها تحت الصباط الا هذه معنقبلهاش الا الكرامة ديالي

بابا انت عارف انك اعز ما عندي و كنت عنقبل باش تكون فرحان لكن سعادتي انا فين هي مع واحد اصلا معقلش عليا مع واحد ولا اناني مع واحد لي مولاش تفكرني هذه 4 سنين الأخيرة مع واحد كي قول عليا شيخة مخبعة تحت الحجاب مع واحد لي

(غلبات عليها البكية): شحال هادي كان هازني فوق راسو و انا صغيرة مكانش كي خلي لي يبكيني في الاخير ولا هو لي كي بكيني سمح ليا ا عمي لكن مبغيتش نتزوج بولدك

ناضت من تما كتبكي خلاتهم مصدومين مصطفى شاف في عصام لي شنو كان كي تخطط من مور ضهرو و شنو كانت عدير مراتو لبتو ختها و مرحماتهاش عساك بنتها دخل البيت عند قدر معنقها و هي كتبكي في حضنو عصام خرج و العدول وصلهم اركان بقات غير انصاف و سمر اشراق لي بقات كدور في راسها هي و هناء

اما واحد ازاد بقا كي حلل هضرتها كيفاش هذه 4 سنين تبدل عليها كيفاش كان كي عرفها كيفاش مكان كي خلي حتى واحد يبكيها لكن الصدمة هي انها رفضاتو هو لي معمر شي بنت بمرا رفضاتو حس بالشمة كتاكل فيه ناض خرج من تما و تبعوه هما انصاف تنهدات و دخلات عند ختها هي و سمر لقاتها نعسات قادوها في بلاصتها و خرجو مصدومين