🔥 قدر ازاد 🔥 ( بالدارجة المغربية ) تيما مبارك

🔷 الجزء 2 🔷 🔰 القدر 🔰 ♾فاطمة الزهراء مبارك♾

🔷 الجزء 2 🔷

🔰 القدر 🔰

♾فاطمة الزهراء مبارك♾

حلات عينيها و حطات يديها على فمها سدات لباب و مشات عندهم عنقات باها و ختها الكبيرة فرحانة بمفاجأة كانت طارطة صغيرة على قدهم في الوسط دايرة بيها الموندة و باسطيلي و الحلوة معلقة في الحيط رقم 20 باست يد باها و عنقات ختها طفات شمعة

قدر:شكرا بزااف والله ابابا
مصطفى:علاش شحال عندي من قدر امم
انصاف:راه عنغير
مصطفى:الله يخليكم ليا
انصاف:هذا كادو ديالي
قدر(خداتو و فتحاتو كان كتاب للغة فرحات بيه حيت هداك هو تخصصها في لافاك):زوين بزاف شكرا ا ختي
انصاف:بصحة ا حبيبتي
مصطفى: و هذا الكادو ديالي خبعتو ليك حتى ديري عقلك
قدر:كتضلمني و انا دارية عقلي
انصاف:دايراه ابابا غير عطيها
قدر:ارا ارا ارا

ضحك عليها و علق ليها السنسلة في عنقها و باس راسها:عقبال نشوفك في منصب لي بغيتي
قدر :امين راه زوين بزاف
انصاف(بهمس)؛حتى شخص لي خلاها ليك قال ليا حتى لهذه العمر
قدر؛شكون
انصاف :اوا لي على بالي و بالك
قدر(غمزاتها فرحانة و دارت عند باها): شكرا بزاااف ا بابا

قطعو طارطة و وكلاو منها حطات انصاف الماكلة تعشاو و ناض كل واحد شد بلاصتو انصاف كان عندها بيت مشترك مع قدر و باها بيتو بوحدو من نهار ماتت ام ديالهم حلف مصطفى بنت لمرا لا دخلت لدارو و تكرفص ليه على بناتو رباهم احسن تربية و كلشي شهد بأخلاقهم العاليا حتى البنات باهم هو نور عينيهم ميبغيوش لي يأديو منو شعرة خدم حتى كبرهم و خدات انصاف الاجازة ديالها في الاقتصاد دفعات لكونكور تعليم تقبلات فيه و دخلت خدمات استادة في تانوية اما قدر فهي لي صغر منها ب 5 سنين كتقرا في عام التالت في تخصص الترجمة و هذه عام عندها الايجازة و هدفها انها تخدم في شركة معروفة ديال الترجمة

كيف دخلات قدر مشات البيسي ديالها جلسات و بدأت كتكتب على واحد الرواية لي سمعاتها من واحد السيد في طران عاود على حياتو و المعاناة لي عنها سيد بي كان اب ديالو متسلط سكايري و بزناز الاب لي ستغل غياب الابن لي عندو 14 العام في عمرو عند جداتو و دخل الام ديالو الحبس ضلما بتهمة الخيانة و دفع خوتو لبنات يخدمو في ديور و ولاد صغار داهم الخيرية

سدات البيسي و تخشات في بلاصتها و غمضات عينيها على امل جديد

(هذه القصة حقيقية سمعتها انا في راديو والله حتى تبكيو عليها شي نهار نكتبها ليكم من طقطق حتى سلام عليكم كيفاش عاش و شنو داز عليه منين ساق لخبار)