🔥 قدر ازاد 🔥 ( بالدارجة المغربية ) تيما مبارك

🔷 الجزء 10 🔷 🔰 القدر 🔰 ♾فاطمة الزهراء مبارك♾

🔷 الجزء 10 🔷

🔰 القدر 🔰

♾فاطمة الزهراء مبارك♾

صبح صباح جديد

فاقت قدر لي معرفاش واش نعسات او لا بكترت الفرحة دخلات الحمام دوشات و خرجات جبدات صلايتها صلاة عاد مشات الكوزينة لقات تقدية عندها في الدار خداها ليها الاب ديالها شرملات الدجاج و حطاتو يترقد في شرمولة ديالو و نصبات اللحم رداتو يطيب حيت هو لي كي تعطل عاد وجدات لفطور ناضت انصاف و ضحكات عليها

انصاف(دارت يديها في جنبها):هاي هاي سعدات هذه سي ازاد الله يعطينا شوية من زهرو
قدر(حشمات):حشومة عليك والله شوفي كلي كنترعد تخيلي عنولي نشوفو من جديد
انصاف:نعقل غادا تابعاه من لور و تغوتي زاااد زااااد
قدر(حطات يديها على وجها):نااري كتحشميني سكتي 

انصاف(ضحكات من قلبها):الله يسهل ما صعاب انا نكمل لفطور انت ردي دجاج و خليه يطيب
قدر؛واخا بابا فاق بكري مسكين و تقدا لينا فرحان بخوه
انصاف(تنهدات):مصاب متجيش مراتو والله
قدر:علاش
انصاف:انت معرفة والو ديك خالتك نهار لي ماتت ماما مكلفاتش راسها تجي
قدر(ردات دجاج يطيب):الغايب حجتو معاه

انصاف(ضحكات بمرارة):انت اختي مزالة نية معرفاش شنو داير بيك خالتك مكلفاتش راسها حتى تهز تيلي شي نهار و تسول على بنات ختها عساك انها تعزي في ختها
قدر:علاش مصوناتش گاع
انصاف:منين اختي منين انا ندي لفطور فوق الطبلة
قدر(تنهدات و حطات يديها على ضهرها):مديريش في بالك راهم جايين ضياف ا ختي
انصاف:ان شاء الله

مشات وجدات طبلة و جلسو يفطو عاد ناضو قدر كملات الغدا و شلاضة عاصير ديسير لي حليتي عليها فمك و انصاف جمعات الصالة و قداتها تولاتها دخلو لبنات دوشو و لبسو حوايجهم قدر لبسات كسيوة طويلة في الابيض و دارت حجابها متحتاج دير الماكياج حيت زوينة بلا بيه خرجات لبرا لقات باها دخل من الخدمة باست ليه يديه و خدات من عندو فواكه الجافة دخلات دارتها في بلاصتها مع اتاي لي واجد و هي تسمع صونيت

مشا مصطفى فتح الباب لقا خوه و ولدو و مراتو سلم عليهم و اشراق دارت سلام ناقص مرضياش نهائيا دخلو جلسو اما قدر قلبها كي ضرب في تسعين مشات سلمات عليهم

اشراق غير شافتها حلات فمها ضنات حتى عيات لكن في جمالها ما شافت فعلا كتشبه لختها تقول غير هي محيداتش عينيها عليها و نصاف كتقرا القرأن على ختها من عين خالتها