Unicode
အပိုင်း ၈။ မင်းသားဝမ်၏ စိုးရိမ်မှု
system ၏ စကားသံက ရှောင်းကျန့်နားထဲ ပျံ့လွင့်လာသော်လည်း ရှောင်းကျန့်မှာ မပျော်ရွှင်နိုင်။ မင်းသားဝမ်က သူ့ကို စိုက်ကြည့်နေတုန်းပဲ ဆိုသည်ကို သူခံစားမိသည်။ ထိုအခြင်းအရာက သူ့ကို နေရခက်စေသည်။
" ဟို...မင်းသား...မင်းသားဝမ်လည်း နေ့လည်စာ သုံးဆောင်တော့လေ "
ရှောင်းကျန့်၏ စိတ်လှုပ်ရှားမှုကြောင့် ထွက်ကျလာသည့် စကားများသည်လည်း အထစ်ထစ်၊ အငေါ့ငေါ့။
" .... "
ရှောင်းကျန့်၏ စကားကို မင်းသားဝမ်က ဘာမှခွန်းမတုံ့ပြန်သော်ငြား ရှောင်းကျန့်ကို ဆက်မကြည့်တော့ဘဲ နေ့လည်စာ စစားသည်။
ရှောင်းကျန့်လည်း ထိုအခါမှ စိတ်သက်သာရာရသွားဟန်နှင့် ထမင်းဖြောင့်ဖြောင့်စားနိုင်တော့သည်။
နှစ်ယောက်လုံး နေ့လည်စာ စားပြီးချိန်တွင် အစေခံများက အခန်းထဲသို့ ဝင်ရောက်လာကြပြီး ပန်းကန်များကို သိမ်းဆည်းသွားကြသည်။
သို့ပေမယ့် ရှောင်းကျန့်က မထွက်သွားသေးသောကြောင့် ဝမ်ရိပေါ်က ရှောင်းကျန့်ကို မျက်ခုံးပင့်ကာ ကြည့်လိုက်သည်။
" လိုချင်တာတစ်ခုခုရှိလို့လား "
ပုံမှန်ဆို ဤကဲ့သို့ ဝမ်ရိပေါ်အနားသို့ လာကပ်ပြီး မျက်နှာချိုသွေးသည့် လူအများစုက သူတို့ကိစ္စပြီးလျှင် လိုချင်သည့်အရာတစ်ခုခုကို တောင်းဆိုတတ်ကြသည်။ အခုလည်း ရှောင်းကျန့်က မထွက်သွားသေး၍ ဝမ်ရိပေါ်က ထိုမေးခွန်းကို မေးလိုက်ခြင်းပင်။
" အင်း... "
ရှောင်းကျန့်၏ အဖြေကြောင့် ဝမ်ရိပေါ်က မျက်မှောင်ကြုတ်သွားပြီး တစ်ချိန်တည်းမှာပဲ စိတ်ပျက်မိသွားသည်။
သူက ရှောင်းကျန့်ကို တခြားလူများနှင့် မတူခြားနားသည်ဟု ထင်ခဲ့သည်။ သို့သော် အကုန်လုံးက အတူတူသာ။ သူတို့ လိုချင်တာရှိမှသာ အနားသို့ လာကပ်၍ ပြုစုကြသည်။
" ဘာလိုချင်တာလဲ "
" system မှ သတိပေးချက်!! host အပေါ် မင်းသားဝမ်ရဲ့ စိတ်ဝင်စားမှုက 20% ထိ လျော့ကျသွားပါပြီ။ ပြန်လည်ပြင်ဆင်ပါ "
![](https://img.wattpad.com/cover/298689311-288-k670497.jpg)
YOU ARE READING
Forced to Woo Prince Wang ⟪Completed⟫
Fanfiction" Prince Wang is a charm that makes him feel safe. " Start Date - 18 Jan 2022 ( Tue ) End Date - 2 Apr 2022 ( Sat ) Status - Completed: Edited Version Chapters in Total - 37 Chapters + 1 Extra Average words per chapter - 1,300 BJYX Myanmar Fanficti...