Unicode
အပိုင်း ၄။ ကိုယ်လုပ်တော်ရှောင်း၏ ဖိအားပေးမှု
ပုဝါပါးအောက်မှ ဖြူလှပ်လှပ်မျက်နှာလေး ပေါ်ထွက်လာသည့်အခါ ရှောင်းကျန့်ကို မျက်မှန်းတန်းမိသည့် မင်းကြီးနှင့် အချို့ဧည့်သည်များက ခဏတာ မှင်တက်သွားကြပေမယ့် ရှောင်းကျန့်၏ ထူးခြားသည့် အကစွမ်းရည်ကြောင့် ချီးကျူးစကားများမှာ အဆက်မပြတ် ပေါ်ထွက်လာလေသည်။ မင်းကြီးသည်လည်း ရှောင်းကျန့်ကို ဆုလာဘ်တချို့ ချီးမြှင့်ခဲ့၏။
ရှောင်းကျန့်ကလည်း ရိုသေစွာဖြင့် ဆုချီးမြှင့်သည်ကို လက်ခံလိုက်ပြီး ကျေးဇူးတင်ကြောင်းဆိုလိုက်သည်။ မင်းသားဝမ်ဘက်သို့ လှည့်ကြည့်လိုက်သည့်အခါ မင်းသားဝမ်က သူ့ကို စူးစူးစိုက်စိုက်ကြည့်နေသည်ကို တွေ့လိုက်ရသည်။
ရှောင်းကျန့်က နှစ်လိုဖွယ်အပြုံးကိုသာ ချိတ်ဆွဲ၍ မင်းသားဝမ်ဆီမှ အကြည့်လွှဲလိုက်ချိန် မင်းကြီးဝမ်က စကားစလာသည်။
" ကိုယ်တော် မှတ်မိသလောက်ဆို မင်းက သားတော် ၆ ရဲ့ ကိုယ်လုပ်တော်တစ်ယောက်မလား "
ရှောင်းကျန့်က မင်းကြီးအား သူ့လေးစားမှုကို ပြသည့်အနေဖြင့် ဒူးထောက်လိုက်ပြီး အမေးစကားကို ပြန်ဖြေသည်။
" ဟုတ်ပါတယ် မင်းကြီး။ ကျွန်တော်က မင်းသား ၆ ရဲ့ ကိုယ်လုပ်တော် ရှောင်းကျန့်ပါ။ သည်နေ့က မင်းသားဝမ်ရဲ့ မွေးနေ့မလို့ ကျွန်တော် ကချေသည်အဖွဲ့ကို အကူအညီတောင်းပြီး မင်းသားဝမ်အတွက် ဖျော်ဖြေပေးတာပါ "
ရှောင်းကျန့်၏ စကားကို ကြားတော့ မင်းကြီးက သဘောတကျနှင့် ရယ်သည်။
" မင်းရဲ့ ဖျော်ဖြေမှုကို သားတော် ၆ က သေချာပေါက် နှစ်သက်မှာပါ "
" ကျေးဇူးတင်ပါတယ် မင်းကြီး "
ရှောင်းကျန့်က မင်းကြီး၏ ခွင့်ပြုချက်နှင့် မင်းသားဝမ်ဘေးတွင် ထိုင်ခွင့်ရသည်။
သို့သော်လည်း မင်းသားဝမ်က မျက်ခုံးများကို ကျုံ့၍သာ သူ့ကို တစ်ချက်ကြည့်လာပြီးနောက် ထပ်ပြီး ဂရုမစိုက်တော့ချေ။
KAMU SEDANG MEMBACA
Forced to Woo Prince Wang ⟪Completed⟫
Fiksi Penggemar" Prince Wang is a charm that makes him feel safe. " Start Date - 18 Jan 2022 ( Tue ) End Date - 2 Apr 2022 ( Sat ) Status - Completed: Edited Version Chapters in Total - 37 Chapters + 1 Extra Average words per chapter - 1,300 BJYX Myanmar Fanficti...
