Unicode
ရိပေါ်က ကျောင်းစောင့်ဦးလေးကြီးနဲ့အပေးအယူတည့်သွားပြီး ကျောင်းဝင်းထဲဝင်ခွင့်ရသည် ။အရင်နေ့တွေက ရင်းနှီးဖို့ကြိုးစားထားတာ အလကားမှမဟုတ်တာ။ရိပေါ်က ကျောင်းဆေးခန်းကိုပဲခပ်မြန်မြန်လျှောက်ခဲ့လိုက်သည် ။သူ..ရှောင်းကျန့်နဲ့မတွေ့ရတာ (7)ရက်ရှိနေပြီ ။ဟိုနေ့ကစပြီး ဘိုးတော်က ဘာစတန့်ထွင်လိုက်သည်မသိ ။ရှောင်းကျန့်က ကျောင်းအသွားအပြန် ကားနဲ့ဖြစ်လာသည်။ ရိပေါ်မှာ ကားပြတင်းပေါက်ကမျက်နှာရေးရေးလေးကိုပဲငေးပြီးနေရသည်။အိမ်ရှေ့ကိုခနခနသွားပေမဲ့လဲ ရှောင်းကျန့်ရဲ့ အရိပ်လေးတောင်မတွေ့ရပေ ။ဒီနေ့သာမတွေ့ရရင် ရိပေါ်က ညကို ရှောင်းကျန့်ရဲ့အခန်းကိုခိုးတက်ဖို့စဉ်းစားထားသည်။
ဆရာဝန်ကုတ်အဖြူလေးနဲ့ လှရက်နေသော သူ့ရဲ့ရှောင်ရှောင်းက မျက်နှာလေးချောင်ကျသွားသလိုပဲ ။
"ပေါင်ပေါင်း..."
"ဟင်.."
ရိပေါ်က အံ့ဩသလိုလေးဖြစ်နေတဲ့ ရှောင်းကျန့်ဆီကို အမြန်သွားလိုက်ပြီး လွမ်းနေခဲ့တဲ့ကိုယ်လုံးလေးကို ဆွဲဖက်လိုက်ရသည်။မထင်မှတ်ထားစွာပဲ ရင်ခွင်ထဲကနေ ရှောင်းကျန့်ကလဲ သူ့ခါးတစ်ဝိုက်ကိုဖက်တွယ်လာသည်။
ရိပေါ်က ရှောင်းကျန့်ရဲ့ဆံပင်မွှေးမွှေးလေးကိုနမ်းခြိုက်လိုက်ပြီး...
"လွမ်းနေခဲ့ရတာ ခင်ဗျားလေးရဲ့.."
"......."
"မောင့်ရဲ့ပေါင်ပေါင်းလေးကို သူတို့ဘာလုပ်သေးလဲ...."
မျက်နှာချင်းဆိုင်ပြီး ရိပေါ်ကမေးတော့ ရှောင်းကျန့်ကအကြည့်ကိုလွှဲလိုက်ကာ....
"ဟင့်အင်း...ဘာမှမလုပ်ပါဘူး။"
ရှောင်းကျန့်အမူအရာကိုကြည့်ရင် လိမ်နေမှန်းသိပေမဲ့ ရိပေါ်ကဆက်မမေးတော့ပါ။
"မောင့်ကို တစ်ပတ်ကြီးတောင်ပစ်ထားရက်လိုက်တာ ။"
"တောင်းပန်ပါတယ်..."
ရှောင်းကျန့်က ခပ်တိုးတိုးလေးတောင်းပန်ရှာသည် ။ဒါပေမဲ့ ဘာကိုတောင်းပန်ချင်တာမှန်း ရိပေါ်ကသေချာမသိဘူး ။
YOU ARE READING
မောင်....လူဆိုး(ေမာင္....လူဆိုး)
Short Storyသူ့ကိုယ်သူ 'မောင်'လို့သုံးနှုန်းတဲ့ ကောင်လေးက သူ့ထက်(၆)နှစ်ကြီးတဲ့လူကိုတော့ 'ပေါင်ပေါင်း 'တဲ့ ။ သူ႕ကိုယ္သူ 'ေမာင္'လို႔သုံးႏႈန္းတဲ့ ေကာင္ေလးက သူ႕ထက္(၆)ႏွစ္ႀကီးတဲ့လူကိုေတာ့ 'ေပါင္ေပါင္း 'တဲ့ ။
