أسير

مُجبر/ هـ

صحت من نومها وراسها ثقيل وحاسه بتعب بسبب القلق وتتمنى كلام ابوها وقراره بزواجها كذبه
اخذت دش وتجهزت للمدرسه وبالها مشغول
انفتح باب غرفتها: من اللي مدرعم كذا
دخلت امها بهدوء: انا
لفت وطالعت امها: معليش
جلست امها ومدى تضبط شعرها: شفيكك وترتيني بنظراتك!!
الام بلعت ريقها وكان بعيونها كلام: مدى واضح انك تعبانه لا تداومين
استغربت منها: امي منجدك جايه عشان تقولين كذا؟؟ انا ادرى بعمري وابي اداوم
قامت الام وقربت منها: لا تداومين ابوك بيهرجك بشغله
فلتت اعصاب مدى: هذااا سببب روحتتيي ولا لو علي مارحت نفسيتي تعبانه يمهه اعز صديقاتي خانتني وبدال ماتوقفون معي واللي كان بيصير لي يجي ابوي يهاوش صدمني ماعمره عاملني كذا
الام تنهدت: هذا موضوع حساس يمه انتِ واخواتك تمثلون ابوك واخوانك بأخلاكم وحشمتكم وشرفكم! وفجاه يدري ان فيه عيال شافوا بنته وش تتوقعين ي..
بعدت عن امها: بسسس مابي اسمع خلاص وتراهم ماشافووونييي لا تحسسوني اني كذا
دخل ابوها: مداومه؟
طالعت فيه وهي تحاول تهدي رجفتها: ايه
طلع برا الغرفه وبصوت عالي منادي ام مدى تجيه
قامت: يالله انزلي لا تأخرين خواتك - وطلعت لزوجها تشوفه

جالسين بسفره وحده يفطرون
تكلمت حنان: ابوي السواق مو فيه من يوديني!
شرب قهوته وطالعها: اخوانك صوره يعني
حنان: اي اثنين راحوا واثنين نايمين وواحد بزر بذنب الارض
زياد: من اللي نايم؟
جتهم وجلست: والله فهود كن فيه سخونه
حنان: اللي نايم يبه فيصل ونايف تكفين يمههه ماصحيتي اخواني!
قام زياد: انا رايح العمل واول ماتخلصين صحي عيالك
ويالله حنان بوديك انا

وطلعوا وتقهوت ام محمد وروقت

بعد ساعه دخلت الغرفه وفتحت الستاير : قوموا ياعيال
فتح عيونه على ضوء الشمس ومدد جسمه
التفت طالع امه ولف جنبه مالقي اللي نايم جنبه: وين نايف؟
خزته امه: وين نايف! حتى مافي صباح الخير يمه
طلع صوت من الحمام: هااا شتبييي
قام فيصل : صبحك الله بالخير، مابي شيء بس استعجل
طلع من الحمام عاري وتكتف: فيصل - سكت لما استوعب وجود امه
طالعت فيه: ليش سكت؟
راح لدولابه يدور لبسه: مافي شيء يمه بس كنت بذكره بشغل
ايه صدقتك ياوليدي-وطلعت من الغرفه
ضحك نايف ولبس لبسه

ونزل يفطر وجاه السايق: نايف ابوك يبغاك تجيه بالعمل اذا خلصت
استغرب نايف: طيب بجيه

بمكان عمل زياد

رجع سالم ظهره على ورا: وهذا ما جاك ياشريكي فكر زين
زياد وهو محتار بين انه بيضبط شغله بالتجاره لو تعاونوا
وان نايف بيرفض الزواج وكيف يقنعه
'يكلم نفسه'حشرتني ياسالم لي سنين اطلب الشراكه ويوم جتني طلبتني ذا الطلب: سالم
سالم رفع عينه عن الكتاب اللي كان يتصفحه: نعم
زياد: حنا بينا صداقه قبل المشاكل اللي صارت واعرفك زين مازين وش غايتك من الزواج؟
سالم ابتسم وسكر الكتاب: قلت لك السالفه ولا تبي اعيد
زياد وقف: لا تستغبي ترى ولدي ما اغتصبها عشان اصر على الزواج
عصب سالم من كلامه ومد يده - مسك يده زياد: لا ياسالم شين وقوي عين بمكاني وتبي تمد يدك