سالم بغضب وقف وطير عيونه: وششش تشرحين انا جتني الادله مايمديك تنكرين
مدى ودموعها سبقتها بالكلام وشهقاتها ماوقفت
سالم بصوت حاد: عارفه بغلطك وقمتي تبكبكين 'بصراخ' علميني من متى
سدت مدى اذانيها وبصوت عالي: بسسس
قرب منها سالم وشد على يدها: لا تسكتيني 'وبفحيح' وش قصرت معك فيه يوم تسوين هالشيء من وراي
كتمت شهقاتها وتكلمت بنفس واحد: صديقتي اللي كنت رايحه لها سوت فيني نذاله وطيحتني بين عيال ولولا نايف كان رحت فيها اكثررر 'غمضت عينها ودموعها تنزل'
بعد عنها سالم: تبيني اصدق اللي قلتيه؟
مدى بصوت واطي: ماعمري كذبت عليك
سالم بغبنه: بس ذا الموضوع يختلف !
مدى تنهدت: انا قلت اللي عندي، اللي خبرك هدى!
سالم ريح ظهره على الكنب وبدون لا يطالعها: مابي اقابلك مدى عشان ما اسوي اكثر من اللي سويته اللحين
مدى انفعلت: انا ماسويت غلط، ليش تصدقها وماتصدقني؟
سالم طالع فيها: وليش واثقه انها هي
مدى برد سريع: مافي غيرها
ابتسم سالم: يمكن نايف
مدى رجفت من طاريه وانقبض قلبها
سالم طالع بأستغراب: ما اسمع صوتك!
ردت بصوت خافت :لا مستحيل يتكلم وعدني
سالم قرب منها: ايش؟
مدى رفعت صوتها وبتردد: لا
سالم مسك يدها وجلسها جنبه: لا ايش؟
مدى وهي تطالع يدها: مايعلم
سالم بنفس نبره صوتها الواطي: وليش مايعلم ؟ ليش واثقه
مدى بثقه: هو وعدني وانا وثقت فيه
سالم عقد حواجبه: وش قال يوم وعدك
مدى طالعت ابوها ربنظره رجاء: ابي اشرح لك بالتفصيل تكفى اسمعني بدون لا تقاطع بعدها انت احكم وشوف من غلطان
سالم بقله صبر: مو بس بشوف من الغلطان فيه اشياء غيرها
مدى ما اهتمت لأخر كلماته وبدت تسرد له شصار وهو يركز معها شوي وشوي يروح تفكيره مع اللي بيسويه وقت ما يقابل زياد
بمكان ثاني كانت عائلتين الاخوان راجح وزياد مجتمعين
الحريم والبنات بالجزء الايمن والعلوي من الفله والرجال بالجزء الايسر من الفله ومع المشب والمجالس الخارجيه
مجلس الرجال بصدره زياد واخوه ومعهم خواتهم الثلاث وعلى يمينهم ويسارهم عيالهم وكان ينقصهم فيصل ونايف عيال زياد ورعد ولد راجح
منيره (اخت زياد): الا وين نايف وفيصل ياوجهه الله ماعمري طبيت الطايف الا والقاهم موب جايين ولا انهم اخر الحاضرين
زياد بتصريف: والله انهم ميتين على شوفتك بس انا رديتهم عنك عندي شغل وطلبتهم يخلصونه ويجونك
منيره ببتسامه: الله يخليهم لك ياخوي
بدوا يندمجون بالسوالف
زياد اشر لمحمد يجيه
قرب منه محمد
وين اخوانك؟ عماتك زارين عليهم
محمد بملل: بس؟ احسب عندك سالفه ! شدراني عنهم
زياد بتوعد: والله لا اخذها من قلبهم
كانوا جالسين الشباب مع بعض
تكلم سطام(ولد راجح) : خلونا نطلع نفرفر
محمد (ولد زياد) : قدام وربي قعدت عماني تجيب الهم
طالعه بدر (ولد شروع اخت زياد) : والله ابي ادافع بس كلامك عز الله ما كذبت فيه
وضحكوا
دخل عليهم رعد
وببرود سلام وجلس بهدوء
محد رد عليه السلام
تكلم بدون نفس: ردوا السلام
بدر قلب عيونه: ياشينك يااخي اذا احد جابرك تجينا علمني
سفهه رعد ولا رد عليه
أنت تقرأ
أسير
Genel Kurguنواجهُ بحياتنا الكثير من العقبات القاسية التي تصدنا، وتفقدنا الأمل وتملأنا بالخيبة والبؤس، ونصبح ضعفاء غير قادرين على مواجهة مرارة الحياة عندها نكون قد فقدنا ثقتنا بأنفسنا أننا لا نستطيع التغير، وليس لدنيا القوة والصبر لتخطي هذه الأزمة، لذلك علينا ا...
