أسير

نسمه هواء

ومرت اكثر من سنه وكانت
هم وغم لمدى
وكذلك لنايف
يصحون على مشاكل نسوا سبب زواجهم انه مصلحه وعاشوا مع بعض فتره
كل واحد يعاند الثاني

مدى جالسه تناقر نايف وتتحمله من جهه
وتتحمل اهله من جهه اللي وصلت فيهم يأذونها نفسياً وجسدياً
ماكان فيه اي دليل معها تقدر توريه اهلها او نايف انهم اذوها لكن كانت بداخلها عارفه ان كل اللي يجيها بسبب ام نايف وخواته

وفي لحظات بينهم هو يحب يتقرب منها او هي تعامله بأدب واحترام لكن ماكان يدوم الوضع

ونايف جاء بباله يتزوج غيرها وحب يختار ناس اقل منهم بنظره
عشان يضمن موافقتهم لشخص متزوج وتقدم لـ تغريد

تزوجها وتصنع حبه لها لين تعايش معها اما تغريد طاحت عليه على طول
حلو ! عنده خير ! هذا اللي ودها فيه

وكانت تشوف مدى انها منقهره وغيرانه وعايشه جو ومدى كان همها انو ماينحط على راسها احد ثاني ومرات تنكر داخلها انها غيرانه

استمر وضع تغريد انها تتقرب لنايف وتدلعه ومدى العكس
بينما هو اذا بغى الراحه راح لتغريد واذا فيه طاقه يبي يفرغها راح لمدى ومرات يروح لها ولا يدري سبب روحته بس يبي يشوفها

وطبعاً حملت تغريد وبفتره حملها مدى مختفيه عن الانظار

وبعد التسع شهور تنهل التبريكات والهدايا لنايف وتغريد باول مولود لهم

جاء وقت تسميته وتغريد كانت حابه جداً اسم وليد بس بالمقابل نايف كان وده بأسم بندر

قال لتغريد طيب سميه وليد ماكان وده يعصبها وهي والد بس لما سجل الاسم كان اسمه "بندر"
صار بينهم خلاف بس بالنهايه مشى كلام نايف
لكن عاش بندر بأسم "بندر" "ووليد"

"تناديه بندر يرد عليك وان ناديته وليد رد عليك"

"نجي بعد فتره من ولاده وليد"

ببيت نايف "مدى"

كانت تتمشى بملل وقفت امام البوابه الخارجيه
لما لمحت احد جاي خافت وعجزت تركض وطاحت على ركبتها

دخل البيت وشافها جالسه على الارض قرب منها
حطت يدها على ركبتها وهي تون بألم رفعت راسها وشافته: نايف! اف فجعتني
ابتسم لها ومد يده لها: هاتي يدك
تمالكت نفسها وقامت ووقفت قدامه: ما احتاج مساعدتك
طالع يده الممدوده وانها سفهته!: الشرهه علي ، وش كنتِ تسوين هنا؟
طالعته مدى بتفكير: تصدق مدري
بعد شعرها عن وجها وجلس يمسده وتأمل عيونها بانجذاب: كيف ماتدرين
بعدت يده عن شعرها: واضح ماعندك سالفه قلت مدري! وبعدين ليش جاي عندي روح لـ تغريد
بعد عنها: اي توي كنت عندها بس نامت وقلت اروح اسير والا المح لي احد حسبته جني بسم الله علينا طلع انتِ
طالعته بغضب: ياسمجك وبعدين مازان لك تسير الا قدام بيتي
ابتسم: صار بيتك!
مدى: اي بيتي! محد قالك تتزوجني وتحطني فيه صار لي وبعدين ترى دريت انك معجب اكلتني بنظراتك خلاص
نايف: لا والله ماني معجب فيك ياشين ثقتك
تضايقت شوي بس مابينت، قربت منه: خلصت؟ يالله اطلع بخش بيتي انام
تكتف وطالعها: بيتي وبنام فيه اليوم -مشى داخل البيت تاركها-
لحقته داخل البيت وهي تصارخ عليه يذلف برا