أسير

مَشْدُوه

صحى مفجوع من كابوس
وصرخ
التفت فيصل عليه: لعنه روعتني
ضاري جاء بيتكلم بس حس بجفاف بحلقه وتكاسل يرد، وانسدح:بنام 'اكتفى بذي الكلمه وبصوت واطي'
تحرك فيصل من سريره:يهبى امس يلعلع واللحين يالله ينطق
جلس ضاري من جديد ويبي يقوم بس حس بتعب ورجع انسدح: افف الله ياخذك وربي ما اسامحك
سمع ضحك فيصل من الحمام
ضاري كشر: لا تضحك خلك بزقك
فيصل وهو طالع من الحمام: ماكنت ازق
ضاري تنرفز: طيب تقدر تجيب لي مويه
فيصل برد سريع: لا
طيب الساعه كم
فيصل وهو يلبس ساعته: قرايب الظهر
ضاري بنرفزه: انا قلت الساعه كم
فيصل طالع فيه: ترفع صوتك مره ثانيه مابيصير خير
وطلع من الغرفه ولحظات وسمع ضاري تسكيره باب الشقه وعرف ان فيصل راح
ورجع انسدح وهو يشتم بداخله

طلع من غرفته ونزل تحت بتعب وجسمه مكسر
قابل امه بالصاله: بدري ! توك تقوم من نومك
نايف بهدوء:ايه
قربت منه: ما اكلت ! شتبي تاكل
مسك راسه: لا ماودي اكل، ابي قهوه
دفته مع كتفه وبزعل: الله يعطيك حريمه القهوه ذي
ونادت على نورما
وجابت له نورما القهوه واخذها وطلع يشم هواء ويرتشف قهوته وباله مشغول معها
مجرد اعجاب ومابستغرب اعجابي هي ملفته لا اكثر ولا اقل هه ويني ووين الحب
اصلاً مافي حب بيوم وليله
بس وش الصدفه اللي خلتني اساعد بنت سالم
اففف لو اني داري انها بنته مافكرت اساعد اخخخ هي اكيد عرفتني
بس مو شرط تكون ملعونه يمكنها مسكينه حالها حال نفسها

بهذي اللحظات كان فيصل ينادي نايف ونايف مايرد مسرح
لين قرب منه وصكه كف
مسك خده نايف: خير
فيصل وهو ياخذ الكوب من يد نايف: ياخوي يقولون مرض التفكير ماله علاج حتى لو استطعت ان تنام ستحلم بما تفكر به 'وشرب قهوته' يعني لا تفكر لدرجه اني اناديك ماترد
نايف قام وهو مبعد عنه: ماكنت افكر كنت سرحان بس
فيصل وهو يتبعه: ايه حتى السرحان لدرجه اني اناديك ماترد موب زين
نايف دخل البيت وسكر الباب وراه وصعد لغرفته
وفتح فيصل الباب ودخل غرفته
تكلمت امه: ياوجه الله مافي سلام
فيصل تراجع وقرب لأمه وباس راسها وجلس جنبها

تقدمت لهم بيلين: Lunch is ready
قامت ولفت على فيصل: يالله بروح اشوف خواتك رقود للحين خليهم يتغدون معنا

مجتمعين على الغداء بصمت
تكلم زياد(الاب): بعد بكرهه حاولوا تفضون بنروح يم قيا فيه عشاء مسويه واحد من الجماعه
محمد بملل: لازم؟
رد عليه زياد بحده: انت اول الحاضرين
ضحك متعب
زياد: تراك رايح معنا
متعب بضحك: من حظي الاقشر
فيصل: وش المناسبه
زياد: واحد من اصحابه جاي من الخارج
تكلمت وصايف (الام): العزيمه بالبيت
زياد: الحريم في البيت اما الرجال برا
حنان بصدمه: يمه بنروح؟؟
شموخ: صح النوم ترى امس امي قالت لنا
شهينه: ما كان بالها معنا يوم امي تتكلم
حنان بنرفزه: الا الا بالي معكم بس نسيت
وكملوا سوالف

نايف وهو مو يمهم
تفكر فيني زي ما افكر فيها، افف واضح انها منشغله بمصيبتها وكيف صار معها ذا
بس هي كيف وصلت لذاك المكان اللي اصلاً كله شباب؟ معقوله زي ماقال مراد

فلاش باك
اي اي وصلتها
ياعيال شموديها هناك غير انها وحده الله لا يبلانا
ليش تفكر كذا؟
طيب شجابها هناك
احد خطفها
صدقني واحد ضحك عليها وكان ناوي عليها

نهايه فلاش باك

يارب كل الاحتمالات اللي بالحياه ولا اللي قاله مراد

صحى على نفسه يوم نادته امه
شفيك ما تاكل
خلاص شبعت
تكلم ابوه بحده: اقول اجلس
جلس نايف بملل وكمل اكل بهدوء
دقه فيصل
نايف: هاه
بعد المغرب فاضي؟
نايف بتفكير: يمكن
فيصل: ابي اطلع انا وياك فض نفسك غصب
نايف: ان شاءالله بشوف

بمكان ثاني
كانت طول اليوم بغرفتها ما فكرت تطلع
لين جاء العصر وجلسوا اهلها على القهوه واستغربوا انها للحين ماصحت
هلا (الام): خلود معقوله مدى للحين ماصحت قومي شوفيها
خلود وهي تاكل: عادي خليها تنام
رشا بعصبيه: خلود امي ارسلتك قومي
خلود وهي تترك صحنها: والله دام هامك يالله قومي انتِ
رشا بصوت مرتفع: امي ارسلتك انتِ
خلود جت بتتكلم
قاطعها صقر: اسكتي انتِ وياها انا بقوم اشوفها

طلع لها ودق باب غرفتها
مدى مدى
رفعت مدى راسها وتفكر ترد ولا تسفهه
صقر بصوت اعلى وهو يدق الباب: مدى ترى بدخل
مدى تغطت وغمضت عينها
دخل غرفتها
وتقدم لشباك غرفتها وفتحه ومسح على شعرها
من متى نايمه انتِ عشان تنامين للعصر
مادرت عليه
قرب وجلس يدغدغها ومدى ماتتحمل الدغدغة وضحكت
صقر بمرح: فديت هالضحكه،يالله قومي
مدى: مابي
صقر قرب منها: مو بكيفك

نزلت مدى
هلا(الام): مابغيتي
مدى قربت وباست امها: مساء الخير للكل
ردوا عليها بمساء النور
وراحت للمطبخ تطلب من العامله تسوي لها اكله خفيفه
وجلست تسولف مع اخوانها وتحاول تشاركهم وهي تشتت تفكيرها بصدقيتها اللي ضحكت عليها وخلت رجال يعتدون عليها ونايف اللي ساعدها وامس وهي بنص حزنها تحاول تغير تفكيرها وفجاه تتخيل نفسها حبيبه نايف وتضحك على خيالها

دخل ابوهم  ومعه مرافقه اللي دايم معه وعم الصمت
وتقدم لهم وجلس وبصوت هادي: صب لي قهوه
وصب له
وارتشف قهوته: وين سعد
هلا(الام): والله طلع من صباح الله خير
سالم بغضب: وانتِ بس شغلتك ذا طلع وذا دخل ماتدرين عيالك وين يروحون
هلا بصوت يرجف من عصبيه سالم: مع اصحابهم
سالم بصوت اعلى: اصحابهم من؟ سرابيت
وبصوت حاد: اول مايطب البيت قولوا له ابوك ينتظرك بغرفته
هزوا روسهم بمعنى طيب
تكلم سالم بعد فتره: مدى وينك فيه امس؟
مدى بدون ماتحط عينها بعينه: عند صاحبتي
سالم وهو يهمهم: مين صاحبتك؟
مدى وهي ترجف من داخل لان سالم بطبعه ماعمره اهتم لذي الامور: تهاني ماغيرها
رمى سالم فنجال القهوه بالارض: كيف تكذبين علي
مدى دمعت وبصوت خافت: ماكان عندي خلفيه عن اللي ناويته فيني
سالم بصدمه: وش نوت فيك، 'بصراخ' انتِ طالعه مع واحد وبعد تحطين الذنب على البنت ذي
وسعت مدى عينها بصدمه: لا خلني اشرحلك تكفى