Unicode
အပိုင်း ၁၄။ ယုံကြည်မှု
ကိုယ်လုပ်တော်မုက မင်းသားဝမ်ကို မြင်လိုက်ရသည့်အခါ အားကိုးရှာတွေ့သွားဟန်နှင့် မင်းသားဝမ်ဆီ အပြေးအလွှားသွားသည်။
" မင်းသားဝမ်...အဟင့်...ကိုယ်လုပ်တော်ရှောင်း...သူကျွန်မကိုလုပ်ကြံ...အင့် "
ကိုယ်လုပ်တော်မု၏ စကားက အဆုံးထိမရောက်သေးခင်မှာပင် မင်းသားဝမ်၏ လက်စွဲတော်ဓားက ကိုယ်လုပ်တော်မု၏ လည်တိုင်ကျော့ကျော့ထက်တွင် နေရာယူပြီးနေပြီဖြစ်၏။
ထိုအချင်းအရာကို မယုံကြည်နိုင်ဟန်ရသည့် ကိုယ်လုပ်တော်မုက မျက်ရည်များအဝိုင်းသားနှင့် မင်းသားဝမ်ကို ပင့်မော့ကြည့်သည်။
" မင်းသားဝမ်...ဒါ...ဒါက ဘာအဓိပ္ပါယ်... "
ကိုယ်လုပ်တော်မု၏ အသံက အလွန်ကိုတုန်ရီနေလေ၏။
" ရှောင်းကျန့် သူမင်းဘာလုပ်တာလဲ "
မင်းသားဝမ်က ကိုယ်လုပ်တော်မု၏ စကားကို နားမထောင်ချင်သည့်အလား လျစ်လျူရှု၍ ကိုယ်လုပ်တော်ရှောင်းဆီသို့ အကြည့်ပို့ကာ မေးခွန်းထုတ်သည်။
ရှောင်းကျန့်က အထင်လွဲခံရပြီဟု ထင်ထားခဲ့သော်လည်း ယခုအခြေအနေအရ မင်းသားဝမ်က သူ့ဘက်မှာ ရှိနေသည်ကို ခန့်မှန်းမိသောကြောင့် စိတ်သက်သာရာရသွားသကဲ့သို့ တစ်ချိန်တည်းမှာပင် ရွှင်မြူးသွားရ၏။ သူဖုံးကွယ်ထားခဲ့သည့်ကြောက်စိတ်အနည်းငယ်ကလည်း ယခုတွင်တော့ မြူခိုးများကဲ့သို့ပင် လွင့်စင်ပျောက်ကွယ်သွားတော့သည်။
ရှောင်းကျန့်က ဆံထိုးကိုင်ထားသည့်လက်ကို တဖြည်းဖြည်းနှင့် အောက်သို့ ချလိုက်ပြီး ထိုင်နေရာမှ ထရပ်လိုက်သည်။
" မင်းသားဝမ် သူ...သူက ကျွန်မကို သတ်ဖို့ ကြံစည်... "
အရင်ဦးအောင်တိုင်ကြားချင်သည့် ကိုယ်လုပ်တော်မုက မင်းသားဝမ်၏ အကြည့်စူးရှရှအောက်တွင် ငြိမ်ကုပ်သွားပြန်၏။
" ရှောင်းကျန့် မင်းပြော "
" .... "
ရှောင်းကျန့်ကတော့ ဘာပြောရမှန်းမသိသောကြောင့် မင်းသားဝမ်ကို စိုက်ကြည့်နေမိသည်။ မင်းသားဝမ်မြင်လိုက်သည့်မြင်ကွင်းတွင် သူက လုပ်ကြံသူဖြစ်နေသည်မလား။ အမှန်တရားကိုပြောလျှင် မင်းသားဝမ်ယုံပါ့မလား။
YOU ARE READING
Forced to Woo Prince Wang ⟪Completed⟫
Fanfiction" Prince Wang is a charm that makes him feel safe. " Start Date - 18 Jan 2022 ( Tue ) End Date - 2 Apr 2022 ( Sat ) Status - Completed: Edited Version Chapters in Total - 37 Chapters + 1 Extra Average words per chapter - 1,300 BJYX Myanmar Fanficti...
