• خيانه من نوع آخر
• حلقه ٣👍
سبحان الله وبحمده سبحان الله العظيم
• بقلم /ريناد رينوووو 💞
• اللهم صلى وسلم وبارك على سيدنا محمد وعلى آله وصحبه وسلم
عدى اليوم بروتينه المعتاد بالنسبه لحنين ومحمود ..حنين مابين شغل البيت وتحضير الاكل ومحمود مابيت تليفونات وكلام ولعب مع رقيه ومراجعة اوراق
لكن كان فيه حاجه متغيره مكنش زى كل يوم اه هو صحيح دايما قاسى معاها وعلطول بيعنفها بسبب او منغير سبب لكن برضو نظرة عنيه متغيره فيها حاجه غامضه
تانى يوم الصبح ركبو العربيه وراحو اسكندريه وحنين كانت فرحانه انها شايفه الشوارع والناس وهتقضى يوم وسط الناس لكن املها خاب لما وصلت لقت محمود واخدهم لشط مفهوش حد خالص غيرهم... حنين بصت يمين وشمال جاها صوت محمود
متتعبيش نفسك مش هتلاقى صريخ ابن يومين اتأجرت الشط كله النهارده لحسابى وهنقضى اليوم لوحدنا انا وانتى ورقيه بس
حنين مردتش ولا اعترضت هى اصلا متقدرش تعترض على اى كلام يقوله او حاجه يعملها والا هى عارفه ايه اللى ممكن يحصلها
برغم زعلها من الفراغ اللى حواليها لكن كان منظر البحر وامواجه المتلاطمه كفيل انه ينسيها اى حاجه حواليها
نزلت حنين البحر شويه مع رقيه تحت انظار محمود اللى كان قاعد مسترخى بس وبيراقبهم وهما بيضحكو ومبسوطين وابتسم رغم عنه على منظر مراته اللى بتلعب وتصرخ مع بنتها كأنها طفله صغيره واتأكد انها فعلا جواها طفله صغيره بريئه.... لكن برضو فضلت تصرفاتها فى الفتره الاخيره محيراه ...وخصوصا انها مبقتش تشتكى من حبسته ليها زى الاول و بقت بتبتسم دايما مع نفسها
وكأن فيه حاجه جديده بتحصل معاها مخلياها مبسوطه..وكمان مبقتش تتدايق لما يشتمها او يزعق فيها .
كل الحجات دى مخلياه هيتجنن... فاق من سرحانه على صوت رقيه :
بابا تعالا انزل معايه الميه عشان ماما بتقول تعبت
محمود :حاضر ياقلب بابا تعالى... واخدها ونزل الميه معاها وحنين قعدت على كرسى واتمددت عليه وبصت للبحر فتره وغمضت عنيها براحه وهى بتبتسم كان اللى يشوفها يفتكرها حوريه طالعه من البحر تايهه من وسط اخواتها ...
حنين كانت تملك قدر من الجمال كفيل بأنه يخلى اى حد يفضل يتأمل فيها لساعات بدون ملل كان شعرها الطويل الاسود اللى اتجعد بفعل الميه نازل من الكرسى بيداعب حبات الرمل بأطرافه كأنها لوحه رسمها امهر فنان فأتقن تفاصيلها ...
فجأه حست حنين بحركه خفيفه ولمسه ناعمه على وشها فتحت عنيها ببطى عشان تشوفه قدامها... ايوه هو حبيبها قاعد قصادها على ركبه بأجمل ابتسامه مرسومه على وشه
فضلت بصاله كتير بتتأمله وهو يعدل فى خصلات شعرها اللى بيطيرها الهوا على وشها بلمسه رقيقه
• حنين :.بحبك
• آسر . وبعدين فى الشعر ده كل شويه يدارى عنيكى منى
• حنين بضحكه خفيفه طلعت توكه من ايدها ولمت شعرها
• ابتسم آسر وقرب من ودنها . ايوه كده اوعى حاجه تدارى عنيكى من عنيا تانى
• ابتسمت حنين وزاحت نفسها شويه عشان آسر يقدر ينام جمبها وفعلا آسر حضنها من ضهرها ونام
• حنين .آسر بتحبنى
• آسر . مبتتعبيش من السؤال ده انتى صح
• حنين . مبشبعش من اجابته عاوزاك تفضل تقولهالى علطول
• آسر :بعييييش فيكى ياحنينى لانك انتى بحبك حيتينى وادتينى حياه
• حنين :بحبك ياآسرى
• حنين بصت للبحر وشافت محمود وهو بيلعب مع رقيه واتمنت لو انه يكون انسان طببعى كانت هتبقى اسعد وحده فى العالم معاه لو بس يديها جزء من حنيته على بنته كانت هتبقى اسعد ست فى العالم كله
